YESAYA 24:6 - WUKE SUSI WATTI'U AL᷊AL᷊USASSA

⁶ Ana waugu Mawu buatte namontoga runia wuṛṛu nakkuumannu tumanangnge ana waugu inolaanni mangitou. I mangitou nitutungnga, wuṛṛu tumba'u matul᷊u suwallatti mangitou apan nasal᷊amatta.

YESAYA 24:6 Referans Kwoze

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

MATIUS 7:14

Arawe ngara wuṛṛu lal᷊anna maṛṛiputta wuṛṛu masahada amatanne, mangapiddu taumata su pabbiaṛṛanna. Wuṛṛu tumba'u mattul᷊ungnga taumata maasomba udde.”

ROMA 9:27

Nabi Yesaya nabbisara ringannu maṛṛagissa su ola'u walahannu Israel, “Salaiwe reengannu walahannu Israel anambone ere anne su tahal᷊oangnga, tumba'u matul᷊ungnga apan masal᷊amatta;

MALEAKHI 4:6

I tou sarun ma'ola'a manga iamangnga wuṛṛu manga al᷊aṛṛana'a naungnga sambua, tadea'u i Ya'u tate rumanta mamate wanuanu.”

IMAMATTA 26:22

I Ya'u sarun mandantan manga winatanga mal᷊aṛaga su pattangnganni yamiu. Manga winatanga udde sarun tumambo manga anangu, mamate winatanga papadul᷊ianannu wuṛṛu mamate si yamiu, na'oman sara reengannu mabbal᷊i addio'a, wuṛṛu manga lal᷊anna su wanuanu mabbal᷊i mal᷊annaba.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

MALEAKHI 3:9

Anambon walahanna mangngawusu si Ya'u, ne i yamiu sarangkanambone aṛṛinoannu wontoga.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

YEHEZKIEL 5:3

Tantanga'e addio'a wuassu utangngu udde wuṛṛu pi'unte sulal᷊ummu pallapuannu jubanu.

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

TAHIUL᷊E 28:62

Salaiwe reengannu anambone erete anumpitanna su langitta, tumba'u matul᷊unga suwallatti yamiu apan ta'e wiakka, ana waugu i yamiu tawe tumuṛṛutta Mawu Ruatanu.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

MATIUS 27:25

Awada'alla udde sinumimbakka, “Ore, wala'e si yami wuṛṛu manga al᷊aṛṛana'i yami mamasanna ṛuumanna wuassu papate-Ne!”

YESAYA 5:24

I yamiu buatte nanol᷊a'u al᷊aṛṛa'u Mawu Apan Lembontaṛṛino, wuṛṛu mallobbossa parentan Duata susin Israel. Ana waugu udde, naal᷊ihidda laṛṛami wuṛṛu nannal᷊o mamara nasue natutungnga sulal᷊ummu putungnga, aroddi lai manga ṛamunnu sarun mabbal᷊i mawukku'a, manga wunganu maṛṛagassa wuṛṛu masue italla'u anginna.

YESAYA 9:19

Su ahewallu wanua udde taumata maṛṛanggotta wuṛṛu u'anna wiakka apan botongnge iwo'o, arawe tawe maapendamma mal᷊aidda. Ewe'e i mangitou u'inassa manga hawe mangitou sassane!

YESAYA 34:5

Mawu buatte nanaddia hal᷊ele-Ne su surga, wuṛṛu orassa indi hal᷊ele udde sarun maṛṛia'a su walahannu Edom apan buatte niemaannu ṛuumanna wuṛṛu ṛaddaanna.

YESAYA 43:28

manga imammu buatte nandal᷊eo Wal᷊e-U. Ne Israel Ta'u itantilla iapal᷊obbossa, papapulunni Yakub Ta'u iwala ṛaddaanna.”

YEREMIA 5:14

Ana see Mawu Apan Lembontaṛṛino nabbisara si ya'u, “Yeremia, ana waugu manga taumata udde nabbisara aroddi, ne i mangitou sarun aṛṛiaannu asasilaka apan tumuṛṛutti mangitou tawe mariaddi. I Ya'u sarun ma'ola'a manga wisara-U ere putungnga sulal᷊ummu moṛṛongngu. Walahanna udde sarun maola'a ere anutungnga, wuṛṛu putungnga udde sarun manoṛṛobba si mangitou ma'oman sara masue.”

2 MARARATU 24:12

ana see i Ratu Yoyakhin wuṛṛu inangnge, al᷊aṛṛanangnge, manga tembonannu tantarane, see lai mammamanaran araratuanne nassuṛṛubawate si Nebukadnezar. Ana see i Yoyakhin nisamette. Olange udde nariaddi su tonna aual᷊une sutempo i Nebukadnezar uaparenta.

2 MARARATU 25:12

Arawe sambageanganna wuassu tumanange apan tumaniten asiangnga wuṛṛu tawe darotongnge tinantanga su Yehuda wuṛṛu niapamanara waillu anggore wuṛṛu manga wawail᷊anna waine.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

YEREMIA 12:4

Ta'e sangkura lai al᷊annune wanua indi mamara, wuṛṛu nannal᷊o tumolangnga su al᷊awo'u wawail᷊anna? Manu'u winalanganna wuṛṛu winatangnga waine nate ana waugu al᷊al᷊eon balahanni yami. I mangitou nabbisara, manungku i ya'u sarun tawe maasilo ola'u pabbiaṛṛanni mangitou.”