YESAYA 24:18 - WUKE SUSI WATTI'U AL᷊AL᷊USASSA

¹⁸ Taumata apan tumal᷊angngu watanganne wuassu pagahahio udde sarun umul᷊ussa sulal᷊ummu sedda, wuṛṛu taumata apan mal᷊iu wuassu sedda sarun asongnganna. Uranna masaddatta sarun mawambinna wuassu langitta, wuṛṛu rapappakku runia sarun umio'a.

YESAYA 24:18 Referans Kwoze

DARALO 18:7

Sulal᷊ummu asasusa'u i ya'u ma'ial᷊are Si'o Mawu, i ya'u uui Ruata'u maddorongnga aontola. Wuassu Wal᷊en-Ne i Tou naddaringikka tingi'u wuṛṛu uararingikka darorongku.

PANDARIADDI 7:11

Su tempo i Nuh uukke 600 su tonnane, su allo appul᷊one pitu wul᷊anna aruane, nawu'ate al᷊awo'u al᷊imatan kua'e su wantan dunia. Al᷊awo'u sasabangannu ua'e su langitta nawu'a,

AMOS 5:19

Olangnge naal᷊ihidda taumata apan tinumal᷊angngu watanganne wuassu singa, arawe nassomban beruangnga. Arawe ere taumata apan napul᷊e watukku wal᷊en wuṛṛu nangunsandakku limane su darandunga, ana see nipul᷊issu atonna!

DARALO 18:15

I Tou namiti'u manga anaan-Ne wuṛṛu nanal᷊iawukku seetta; I Tou na'ola'a sawallo masokka-sokka wuṛṛu na'ola'a i mangitou tinumal᷊angnga.

AYUB 20:24

Amungkangngu i tou tumal᷊angnga mallinda'u hal᷊ele waja, i tou sarun lessannu anaanna witu'a.

2 MARARATU 7:2

Mandariaga ratu nabbal᷊issa, “Tawe mariaddi! Udde awusu, salaiwe su orassa indi lai Mawu manossokku uranna wahewalla wuassu langitta!” “I'o sarun maasilo olange udde mariaddi, arawe i'o tawe maal᷊ewa anna udde sarangkadio'a,” sasimbakki Elisa.

PANDARIADDI 19:24

Inaṛṛombanganne Mawu nanossokku uranna belerangnga pia putungnge su Sodom wuṛṛu Gomora.

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

YESAYA 8:14

Ana waugu i Ya'u lembon susi, i Ya'u na'ola'a watu atarannu tumana'u Yehuda wuṛṛu Israel, wuṛṛu sedda apan mannametta tumana'u Yerusalem.

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 42:22

Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.

YEREMIA 48:43

I mangitou uasaruanna pangalo, loṛṛangnga wuṛṛu sedda.

YEREMIA 48:44

Taumata apan tinumal᷊angngu watanganne wuassu pangalo sarun mawontolla sulal᷊ummu loṛṛangnga, wuṛṛu iapa naasabbangnga wuassu loṛṛangnga udde sarun umul᷊ussa su sedda. Sarangkanambone udde sarun mariaddi sutempo apan buatte Ta'u nitantunna ipanggohakku Moab.

LAL᷊ALLU 3:47

i yami niaṛṛiaannu asasilaka wuṛṛu ahahohakka, see mabbiakka sulal᷊ummu asasilaka wuṛṛu atata'utta.

YEHEZKIEL 11:8

Apa i yamiu matta'uttu hal᷊ele? Sarun Ta'u iaparanta taumata uaapiddu hal᷊ele iapapangalo si yamiu.

YEHEZKIEL 12:13

Arawe i Ya'u sarun mantaingngu soma-U ipanametta si tou. See Ta'u iapidda i tou su soan Babel, wuṛṛu poiaroddi i tou sarun nate ringannu tawe maasilo soa udde.

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

DARALO 18:8

Ana see runia niumio'a wuṛṛu tinumaraddala, manga wantan bowone niumio'a wuṛṛu mangngindo ana waugu asasa'un Duata.

AMOS 5:18

Mangke atonna nasilakate i yamiu apan uaṛṛaddo allon Mawu! Apa hunane allo udde si yamiu? Allo udde tumba'u allo apan marandumma, wal᷊ine allo apan masemakka si yamiu.