YESAYA 23:8 - WUKE SUSI WATTI'U AL᷊AL᷊USASSA

⁸ Wal᷊inewe manga maddaraggange amonannu papunna apan lembon a'addatanna su runia? Isai apan makkawessa mangema'u Tirus, soa apan taṛṛinone ahewal᷊anne indi?

YESAYA 23:8 Referans Kwoze

SONDAPPA 18:8

Ana waugu ete olangnge udde, ne tumba'u sulal᷊ummu allo massallo i tou sarun maasomba silaka – radda'a, asasusa wuṛṛu al᷊aṛṛutumma. Wuṛṛu i tou sarun tutungannu putungnga, ana waugu Mawu Ruata piate taṛṛino ipakkuungngi tou udde.”

YESAYA 36:9

Su ipando'appa tembonannu tantaran Asyur apan awawoanne lai i yamiu wal᷊ine parene. Arawe i yamiu mangngantimma lai Mesir mangirimmu sasumbala keretan pangalo wuṛṛu tantaran awal᷊o!

YESAYA 10:8

I tou mammungan batanganne, wisarane, “Manga tembonannu tantara'u sarangkanambone manga ratu!

SONDAPPA 18:23

Taumata tate lai maasilo semakku sol᷊o sulal᷊ummu soa; wuṛṛu tate aringiṛṛana lai ramea andeangngu awingnga isudde. Manga mabbawal᷊u'i yamiu eteudde manga taumata apan tinumelengke su runia, wuṛṛu ringannu manga apandem wal᷊i'immatanu i'o mangngawusu alawo'u walahanna su runia!”

YEHEZKIEL 26:12

Manga seennu udde sarun mangaṛṛo al᷊awo'u pa'aala wuṛṛu wal᷊u'annu. I mangitou sarun makkimunsa'a manga darandungngu wuṛṛu mapaṛṛa'a manga wal᷊enu apan mapia. I mangitou sarun manganu manga watune, manga pappalla wuṛṛu letangnge, wua'udde niramme su tahal᷊oangnga.

NAHUM 3:16

Manga mabbawal᷊ungngu anambone nangillembo wuassu manga anumpitanna su langitta! Arawe orassa indi i mangitou nawul᷊i ere saṛṛappalanna apan nani'akka papaidde see tinumalla'a tate asiloanna.

ZAKARIA 9:3

Tirus buatte napararisikku manga tanda batun mangitou wuṛṛu nangombon manambo atonna wul᷊awanna wuṛṛu sal᷊a'a na'oman sara naola'a ere saranapa wiasa ere anne wuṛṛu labbo su lallanna.