YESAYA 23:11 - WUKE SUSI WATTI'U AL᷊AL᷊USASSA

¹¹ Mawu buatte namataddu lima-Ne su wowon tahal᷊oangnga wuṛṛu namilingngu manga araratuanna. I tou namarenta tadea'u manga tanda batun Funisia iapahohakka.

YESAYA 23:11 Referans Kwoze

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

YOHANES 2:16

See i Tou nabbisara su mabawal᷊u'u manu'a merpati, “Pangingkatta wua isindi. Arie Wal᷊en Iamang-Ku maola'a tampam pabawal᷊u'anna!”

MARKUS 11:17

Wua'udde Mawu Yesus nangaṛṛa'e manga taumata isudde. I Tou nabbisara, “Sulal᷊ummu Wuke Susi uawoṛṛetta ereindi: Ruata nabbisara, ‘Wal᷊e-U sarun isago wal᷊e tampa pangangal᷊iomanannu al᷊awo'u walahanna.’ Arawe niola'i yamiu sal᷊akku taumata taṛṛa ṛampassa!”

ZAKARIA 14:21

Anambon awali su Yerusalem wuṛṛu su ahewallu Yehuda sarun iṛṛae maola'a pussa'an Mawu Apan Lembontaṛṛino. Tumanangnge apan mangonggollu sasamba sarun mappaattu awali udde pallahanna ṛemessu sasamba. Napawe tempo udde nio'omante, tate lai mabbawal᷊u'a su Wal᷊en Mawu Apan Lembontaṛṛino.

HAGAI 2:7

Anambon walahanna sarun Ta'u pata'utanna wuṛṛu darotongngi mangitou sarun iapidda inawarendi, na'oman sara Wal᷊e-U mapenen paa'alan mangitou.

NAHUM 1:14

Eteindi inappuannu Mawu su ola'u walahannu Asyur, “I mangitou tate maasomba pallaṛṛite ipanassu walahanne. Manga paal᷊uanna sassubbanna apan sulal᷊ummu manga kuillu monganne, sarun Ta'u ṛimunsaanna. Pallabbingannu walahannu Asyur tantal᷊anna Ta'u sassaddianna, ana waugu i mangitou tawe ṛinone wiakka!”

YEHEZKIEL 31:16

Sutempo aaluanna udde Ta'u niapasossokka su runian taumata nate, tingikku aemangnge sarun mangio'u manga walahanna. Anambon aaluanna su Eden wuṛṛu manga aaluanna apan nipile su Libanon apan naasomba ua'e manambo-nambo, wuṛṛu apan sinumossokke su runia al᷊iuwowane sarun lumuassa ringannu aema'u aaluanna udde.

YEHEZKIEL 26:10

Manga awal᷊o mangitou aroddi anambone, na'oman sara lempangne naaola'a awu pasi talla'a apan uaoossa si'o. Tingikka maddallu'a wuassu tantara uasa'e awal᷊o apan uawol᷊engnga keretan bal᷊unna wuṛṛu keretan pangalo sarun mapangio'u manga darandungngu sutempo i mangitou umamattu manga ngara pasallangannu soa apan naola'e manga tuidda udde.

YEREMIA 47:7

Arawe wotongnge i tou maola'a matammudda, napawe i Ya'u buatte namarenta si tou iapapangalo Askelon wuṛṛu tumana'a su apanne?”

YESAYA 25:2

Soa udde buatte niṛṛimunsang-Ngu; soa apan pia tanda batune nabbal᷊i winalal᷊anna. Wal᷊en araratuanna apan niola'u taumata raho nahohakke, wuṛṛu tate olaanna apia saran mal᷊annu-l᷊annu.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

DARALO 71:3

Ariaditewe si ya'u ere wowone watu tampa'u uatana'a, apan sidutu mal᷊uassa pattudanne. Ana waugu I'o buatte nakkawessa manal᷊amatta si ya'u, Ete I'o tampa i ya'u uatillumma wuṛṛu uasirungnga.

DARALO 46:6

Ruata uatana'a poiaroddi, ne soa udde tawe mahohakka; I Tou sarun mantul᷊ungnga sutempo marua allo.

PANDARIADDI 9:25

i tou nabbisara, “Niawontohante i Kanaan! I tou sarun maola'a allangnga al᷊aleoanne su manga tuṛṛangnge.

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 14:26

Eteindi ṛiing-Ku su runia; pulal᷊ang-Ku naṛṛatadde ipakkuumannu manga walahanna.”

YESAYA 19:5

Ua'en Sal᷊ukku Nil sarun masahatta wuṛṛu mallannu mammara.

YESAYA 23:10

Inaite pammanara wawail᷊annu, ei tumana'u Spanyol, ana waugu ṛangkattu apalla tate lai.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YEHEZKIEL 26:4

I mangitou sarun makkimunsa'a manga darandungngu soanu wuṛṛu mapaṛṛa'a manga menaranu. Al᷊awo'u leta'a apan poiaroddi sarun Ta'u insueanna ma'oman sara mallambe tumba'u sambau watu lol᷊okka su tangngan tahal᷊oangnga.