YESAYA 22:25 - WUKE SUSI WATTI'U AL᷊AL᷊USASSA

²⁵ Amungkangngu udde mariaddi, ne passa'a apan nipa'u ringannu ma'uatta udde sarun mapallossa wuṛṛu manawo. Wuṛṛu eteudde panguddusannu ṛuanganna wuṛṛu anambon taumata apan uaantimma si tou. I Ya'u, Mawu, buatte nabbisara.”

YESAYA 22:25 Referans Kwoze

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

YESAYA 22:23

I tou sarun Ta'u onggol᷊annu aiananna apan tawe humolle ere pasa'a apan uapansakka ma'uatta su darandungnga. Anambon alahanne sarun addatanna ana waugu i tou.

DARALO 146:3

Ariete pangantimma su tembonanne su taumata apan tawe mapanal᷊amatta.

YEHEZKIEL 5:17

Wal᷊ine wuassu silaka al᷊aṛṛutumma sarun Ta'u iaparanta lai al᷊aṛṛusa'itta, araṛṛagissa wuṛṛu pangalo ipamate tumanangngu, wuṛṛu manga winatangnga mal᷊aṛṛaga iapapate manga ana'i mangitou. I Ya'u, Mawu, buatte nabbisara.”

YEHEZKIEL 5:15

Amungkangngu i Ya'u masa'u wuṛṛu mannaungnga lal᷊eo si'o see makkuumannu, anambon araratuanna uapal᷊iwutta si'o sarun maapendamma atata'utta. I mangitou sarun mangal᷊uandaga si'o wuṛṛu mammuta maasilo si'o.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEREMIA 4:28

Runia sarun lumal᷊o, langitta ete wasa tuudda. Mawu buatte nabbisara wuṛṛu tate mamal᷊u hol᷊a-Ge. I tou buatte namutussa wuṛṛu tate sumoṛṛotta sara sangkal᷊empanga.

YESAYA 48:15

Ete i Ya'u apan nabbisara wuṛṛu namaggo si tou, apan nangehetta si tou na'oman sara i tou naasomba ul᷊ene.

DARALO 52:5

I'o lembon marangngu al᷊al᷊eo wuassu apapia, mallutuanna mammahia wuassu mabbisara atonna.

YESAYA 22:24

Arawe manga hawene wuṛṛu tanggumanne sarun mabbal᷊i winabbawane. I mangitou sarun tumungkelem biakke si tou, naal᷊ihidda urinna pasi ele su pasa'a.