YESAYA 22:15 - WUKE SUSI WATTI'U AL᷊AL᷊USASSA

¹⁵ Mawu Apan Atanggaṛṛanne wuṛṛu Lembontaṛṛino nandolo'u iapasasomban Sebna, tembonannu amonannu wal᷊en araratuanna, iapapasingkatta si tou tanatan Mawu indi,

YESAYA 22:15 Referans Kwoze

YESAYA 36:3

Wua'udde siri tallu mammanara Hizkia nirumanta naisasomban tembonannu tantaran Asyur udde. Siri tallu mamanara udde eteudde i Elyakim ana'i Hilkia tembonannu amonannu wal᷊en araratuanna, i Sebna mamamoṛṛettu araratuanna, wuṛṛu i Yoah ana'i Asaf, mamamoṛṛettu wal᷊en araratuanna.

2 MARARATU 18:18

Ana see i mangitou nangintul᷊i namago si Ratu Hizkia. Ne siri tallu mammamanaran araratuanni Hizkia sinumabbanga naisasomban mangitou. Siri tallu mammamanaran araratuanna udde eteudde i Elyakim ana'i Hilkia tembonannu wal᷊en araratuanna, i Sebna mamamoṛṛettu wanua, wuṛṛu Yoah ana'i Asaf, mamamoṛṛettu wal᷊en araratuanna.

YESAYA 37:2

Wua'udde i tou nandolokki Elyakim tembonannu wal᷊en araratuanna, i Sebna mamamoṛṛettu araratuana wuṛṛu manga imam apan pia pangkanne inai maisasomba Nabi Yesaya, ana'i Amos. I mangitou lai nalluṛṛen karongnga.

2 MARARATU 19:2

Wua'udde i tou nandolokki Elyakim, tembonannu wal᷊en araratuanna, i Sebna mamamoṛṛettu wanua, wuṛṛu manga imam apan timmadete, iapasasomban Yesaya ana'i Amos. I mangitou nalluṛṛen nasa karonga.

2 MARARATU 18:37

Ne i Elyakim, i Sebna, wuṛṛu i Yoah nanggesa'a laubbi mangitou tatialan massusa, ana see inaite nangalae ratu sarangkanambone apan buatte niwisaran perwiran Asyur udde.

WATTI'U MANGA RASUL 8:27

Ne i Filipus inaite. Su tempo udde pia sangkatou tembonannu Etiopia apan tantal᷊anna u'amatta mappul᷊e watukku wanuane. Taumata udde sangkatou mammamanaran tembonanne apan mangngatokka wuṛṛu mallu'ada paa'alan Kandake ratu wanuan Etiopia. Taumata udde suete wuassu Yerusalem mattaṛṛamawu Ruata wuṛṛu orassa udde tantal᷊anna mabelengnga uasa'e keretane. Tantal᷊anna ua'ianna sulal᷊ummu kereta, i tou mabbasan Wuke Nabi Yesaya.

YESAYA 36:22

Ne i Elyakim, i Sebna wuṛṛu i Yoah nanggesa'a laungnge maola'a tatiala massusa, wua'udde inaite namasingkatta ratu sarangkanambone apan buatte niwisaran tembonannu tantaran Asyur udde.

YESAYA 36:11

Wua'udde wisaran Elyakim, Sebna wuṛṛu Yoah su tembonannu tantaran Asyur udde, “Tuangnga, mabbisara sulal᷊ummu sasinaukku Aram ringanni yami, i yami ma'asunna. Arie mappaattu sasinaukku Ibrani, takka asunnannu tumanange roso su tanda'u soa udde.”

1 TAWARIKH 27:25

Eteindi arannu mallal᷊u'adda darotongngu ratu: Manga gudangnga su wal᷊en araratuanna wuṛṛu su Yerusalem: i Azmawet ana'i Adiel Manga gudangnga su liuddu Yerusalem: Yonatan ana'i Uzia Manga mammamanaran bawail᷊anna; i Ezri ana'i Kelub Manga waillu anggore: i Simei wuassu soa Rama Manga tampa panahipunanna anggore: i Zabdi wuassu soa Syifmi Punnu Zaitun wuṛṛu punnu ara (su wawal᷊annu panenteanna samba'an waṛṛatta): i Baal-Hanan wuassu soa Gederi Manga tanpa pananahipunanna lanan Zaitun: i Yoas Winatangnga papadul᷊iananna su Wadda'u Saron: i Sitrai wuassu soa Saron Winatangnga papadul᷊iananna su manga wawal᷊anne: i Safat ana'i Adlai Unta: i Obil papapulunni Ismael Keledai: i Yehdeya wuassu soa Meronot Domba wuṛṛu ambinga: i Yazis, taumatan Hagri.

2 MARARATU 18:26

Ana see unni Elyakim, i Sebna, wuṛṛu i Yoah su udde, “Tuanga pabbisarate sulal᷊ummu sasinaukku Aram si yami, tadea'u yami maasunna. Arie pappaattu sasinaukku Ibrani, ana waugu udde aasunnannu tumana'u soa su wowon tanda'u watu su soa udde.”

2 MARARATU 10:5

Ana waugu udde tembonannu wal᷊en araratuanna wuṛṛu tembonannu soa suadio'a ringannu manga matatimmadu soa wuṛṛu manga mabawuwunna ana'i Ahab udde nangirimmu watti'a indi si Yehu, “Yami uasuṛṛubbawa si Tuanga wuṛṛu walate i Tuanga mandolokki yami. Yami tawe mamile sisai-sai maola'a ratu. Ola'e apa apan mapia tumuṛuttu aellegi Tuanga.”