YESAYA 22:13 - WUKE SUSI WATTI'U AL᷊AL᷊USASSA

¹³ Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

YESAYA 22:13 Referans Kwoze

YESAYA 56:12

Manga mabbawu'anna udde mabbisara, ‘Wette i ite ma'inumma anggore wuṛṛu ma'inumma sara mawusa! Tiṛṛabbi sarun mappianne wuassu allo indi!’ ”

1 KORINTUS 15:32

Amungkangngu udde tumba'u wuassu taumata sassane, apa auntunganne si ya'u mammanara naal᷊ihida ere uasaruanna winatangnga waṛṛani su soa indi, su Efesus? Amungkangngu atonna taumata nate tate iapaawiakka apia, ei, mappianne i ite tumuṛṛutta sasanato'a indi: “Wette i ite umanna wuṛṛu ma'inumma wuṛṛu lumuassa, ana waugu tiṛṛabi lai i ite sarun mate.”

YAKOBUS 5:5

I yamiu suete nabbiakka su al᷊al᷊uassa, wuṛṛu naatemmate apapian dunia indi. Yamiu paṛṛimaunnapa ere tantal᷊anna mapaatawan wadangnga ipaṛṛaddo allo pamamototanna.

YESAYA 5:22

Nasilakate i yamiu apan pande ma'inumma anggore! I yamiu apan waṛṛani wuṛṛu pande mallo'an ua'e ma'awu'anna!

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

YESAYA 5:11

Nasilakate i yamiu! Wuassu rua'allo maddatingngu ṛabbi manaranu tumba'u ma'inumma ua'e ma'awu'anna wuṛṛu mabbu'anna.

YESAYA 26:10

Salaiwe taumata lal᷊eo olaanna ringannu mapia, i tou tawe lai mangurumma apa apan ṛinone. Su araratuannu pallaṛṛuungnga lai i tou ma'ola'a pasasal᷊a, wuṛṛu maddiri tumantalongnga taṛṛino Mawu.

YESAYA 29:1

Nasilakate soan Yerusalem apan isassago mezbah Duata! Nasilakate soan tampan Daud naddasanna! Wala'e manga tonna uahahanti ringannu manga rameane.

YESAYA 47:8

Ana waugu udde paddaringikke si Ya'u, ei i'o apan tumba'u apulune maddea'a lal᷊umanna'a! I'o massunna manungku wiakku matammuda, wuṛṛu taweddu ere i'o. I'o maṛṛingidda tawe maola'a inawaluanna, wuṛṛu papapulunnu tawe mate.

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

YEHEZKIEL 16:49

Sodom wuṛṛu manga ampunge mawunga ana waugu uatahuanna manambo walingakku anna see wotongnga mabbiakka ringannu matammudda wuṛṛu paddarame. Arawe i mangitou tawe ma'ellega taumata asiangnga wuṛṛu taumata lal᷊ebone.

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!