YESAYA 22:12 - WUKE SUSI WATTI'U AL᷊AL᷊USASSA

¹² Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YESAYA 22:12 Referans Kwoze

YOEL 2:17

Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

YAKOBUS 5:1

Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

YUNUS 3:6

Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.

YESAYA 15:2

Tumana'u Dibon sinuma'a wuidda maddea'a luaianna su tampa passubbanna manga monganna. Tumana'u Moab ringannu massusa nilumallun soa Nebo wuṛṛu Medeba. I mangitou nangiṛṛi pua wuṛṛu omengnga tatiala massusa.

MANNANASE 3:11

I tou nanantunnu tempo apan naṛṛino su al᷊awo'u saranapa. I tou nangonggolla si ite paapulu tadea'u maasingkatta allo addantane, arawe i ite tawe maasunna inolaannu Ruata wuassu panattaṛṛanne maddatingngu panguddusanne.

MANNANASE 3:4

Ruata nanantunnu tempo lumuai wuṛṛu tempo lullagge, tempo sussangitta wuṛṛu tempo massal᷊aingnga,

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

NEHEMIA 9:9

I'o na'ellega asasusa al᷊amonan kami sutempo nanangkal᷊iu; I'o naddaringikka lal᷊uaine su Mesir wuṛṛu su Tahal᷊oangngu Teberau.

EZRA 9:3

Naaringikka olangnge udde, i ya'u nasusa na'oman sara nanggesa'a lau'u wuṛṛu nanawutta uta'a wuṛṛu omengku, ana see niuma'ianna ringannu naungnga napussa-pussa'a.

2 TAWARIKH 35:25

Nabi Yeremia namoṛṛettu sambau aantari lal᷊al᷊o si Ratu Yosia. Naddatingngu orassa indi aantari udde ta'e ipappaattu mangangantari su Israel, mawae ete esakka aroddi lai wawine, su ipannaungnga i mangitou lullal᷊on Yosia. Aantari udde buatte niwoṛṛetta sulal᷊ummu ammul᷊annu aantarin lal᷊al᷊o.

YESAYA 3:24

Orassa indi i mangitou mappaatten lana mawangngi, sal᷊immurine hal᷊uru mangitou mawukku'a. Papeṛṛeti mangitou al᷊ussa sarun hantianni mangitou tal᷊i apan masalla. Puan mangitou apan pia utangnge maṛṛamaga sarun lungguṛṛanna. Laubbi mangitou apan maṛṛansangnga sarun hantiannu laubba nahahesa'a. Orassa indi i mangitou maṛṛamaga, tawe mal᷊anna'a addio'a hati mangitou mal᷊al᷊eo ana waugu cappanna.

YESAYA 26:10

Salaiwe taumata lal᷊eo olaanna ringannu mapia, i tou tawe lai mangurumma apa apan ṛinone. Su araratuannu pallaṛṛuungnga lai i tou ma'ola'a pasasal᷊a, wuṛṛu maddiri tumantalongnga taṛṛino Mawu.

YESAYA 29:1

Nasilakate soan Yerusalem apan isassago mezbah Duata! Nasilakate soan tampan Daud naddasanna! Wala'e manga tonna uahahanti ringannu manga rameane.

YESAYA 32:11

Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

YEREMIA 4:8

Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

YEREMIA 16:8

Arie passutta su wal᷊en taumata apan tantal᷊anna ma'ola'a andeangnga. Arie paanna ara'e ma'inumma ringanni mangitou.

YEHEZKIEL 27:31

Ana waugu i'o i mangitou nallunggukka pua, nalluṛṛen laubba karongnga napenen asasusa. I mangitou lulluai lullal᷊o wuṛṛu lullallun ola'u wiakku.

DANIEL 5:1

Su allo sambau Ratu Belsyazar nannote saṛṛiwu su atoune manga tembaonanne rumanta su andeangnge apan apianne, wuṛṛu ma'inumma anggore.

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!

YOEL 1:8

Lalluaitte, ei umatta, naal᷊ihidda maṛṛuala apan massusa apan lulluain papaten tunangane apan arangnguanne.

YESAYA 37:1

Sutempo udde i Ratu Hizkia naaringikka aalae wuassu siri tallu taumata udde, i tou nanggesa'a laungnge wuṛṛu nalluṛṛen karongnga tatiala massusa, wua'udde i tou inaite su Wal᷊en Mawu.

YESAYA 37:2

Wua'udde i tou nandolokki Elyakim tembonannu wal᷊en araratuanna, i Sebna mamamoṛṛettu araratuana wuṛṛu manga imam apan pia pangkanne inai maisasomba Nabi Yesaya, ana'i Amos. I mangitou lai nalluṛṛen karongnga.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.