YESAYA 2:6 - WUKE SUSI WATTI'U AL᷊AL᷊USASSA

⁶ Oh Ruata, I'o nanantangken uman-Nu, papapulunni Yakub! Ana waugu su al᷊awo'u tampa su wanua indi taumata mappaattu daroa apan darantane wuassu ra'i wuṛṛu wuassu Filistin. Manga taumata mattanno inanaramannu taumata raho.

YESAYA 2:6 Referans Kwoze

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

2 MARARATU 1:2

Su allo sambau i Ratu Ahazia wuassu Israel nanawo wuassu panumbal᷊e al᷊iurosone wuassu wal᷊en araratuanna su Samaria, na'oman sara i tou nal᷊essa wahewalla. Ne i tou nandolokku taumata iapaiwal᷊o si Baal-Zebub, mongannu soan Ekron su Filistin, tanne i tou mapia wuassu radda'a ara'e tawe.

LAL᷊ALLU 5:20

Anio I'o nanantangngi yami aroddi al᷊annune? I'o naabul᷊iten kami su al᷊o'engngu tempo?

YEREMIA 10:2

I tou nabbisara, “Arie mallaṛṛenggenna inanaramannu manga walahanna waine, wuṛṛu arie pa'ata'utta maasilo manga tiala su langitta apan ia'atauttu manga walahanna udde.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

AMSAL 6:1

Ana'u, asinungka i'o buatte naddiandi su sangkatou taumata tadea'u mamaekka utangnge.

DARALO 106:35

Ewe'e i mangitou nallal᷊o'a manga walahanna udde, wuṛṛu nattanno pallal᷊aghu manga taumata apan tawe maailal᷊a Ruata.

NEHEMIA 13:23

Sutempo udde i ya'u naasilo lai manungku manambo taumatan Yahudi buatte naawingngu manga wawine wuassu walahannu Asdod, Amon wuṛṛu Moab.

2 TAWARIKH 24:20

Ana see Ghaṛṛahon Duata nangintaṛṛo si Zakharia ana'i Imam Yoyada. I Zakharia dirumarisikka su saruannu tumana'u soa, ana see nabbisara, “Mawu Ruata nabbisara, ‘Anio i yamiu maddirite tumuṛṛutta manga parenta-U wuṛṛu manilakate watanganni yamiu sassane. I yamiu tate maddaringikka si ya'u, ne i Ya'u lai tate maddaringikka darorongngi yamiu!’ ”

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

REENGANNA 23:7

Ana see i Bileam nabbisaran papatta indi, “Wuassu Aram, panenteanna su samba'an da'i poiaroddi, i Balak, ratun Moab namaggo si ya'u, wisarane, ‘Rantate, pabbisarate ana waugu i ya'u. Wontohete walahannu Israel udde!’

IMAMATTA 20:6

Taumata apan inai maddorongnga tatantiro su tonaassa apan pia paaukka ringannu ṛimuuddu taumata nate sarun Ta'u iṛṛuumanna wuṛṛu tate lai mareengnga al᷊aṛṛana-U.

IMAMATTA 19:31

Imbaṛṛangnga i yamiu maddorongnga tatantiro su tonaassa apan pia paa'ukke ringannu manga niawan taumata nate. Amungkangngu i yamiu ma'ola'a udde i yamiu mabbal᷊i ma'arantinna. Ete i Ya'u Ruatanu.

SASABANGNGA 34:16

Amungkangngu manga anangngu ma'awingngu manga wawinen taumata raho, i mangitou sarun isal᷊o'u manga wawine udde tadea'u manantang-Ku wuṛṛu massubba manga Mawu mangitou.

SASABANGNGA 22:18

Suapan bawine apan ma'ola'a wal᷊i'immata ṛinone pateanna

1 SAMUEL 6:2

taumatan Filistin namago manga imam wuṛṛu manga taṛṛa wal᷊iimmata ana see naiwal᷊o, “Urante si ite Wantallu Pa'airen Mawu udde? Amungkangu iapawelengngi ite su tampane, ereapa lal᷊anne?”

YESAYA 14:29

Ei walahannu Filistin, pal᷊o-pal᷊o apan ipappaatta ipamuulla si'o napaddite. Arawe arie i'o lumuassa, ana waugu amungkangngu atoanna sambau nate, atoanna apan nangillembon al᷊eoanne lai rumanta mallol᷊ossa si tou, wuṛṛu tallukku atoanna mangngissa'u naga pia papaidde.

YEREMIA 12:7

Mawu nabbisara, “Tampa atatanaang-Ku tate lai iṛṛingi-U, wanua apan maola'a pussa'a-U buatte nitantang-Ku, wuṛṛu uma-U apan arangnguang-Ku buatte Ta'u nitantilla su lima manga seenne.

MIKHA 5:12

I Ya'u sarun makkimunsa'a manga paal᷊uannu wuṛṛu manga sassubbannu; i yamiu tate lai massubba manga saranapa inolannu limanu sassane.

ZEFANYA 1:8

“Su allon pamamate udde,” wisaran Mawu, “I Ya'u sarun makkuumannu manga tembonanne, manga umbasanna ana'u ratu, wuṛṛu anambon taumata apan mappaamattu lal᷊aghun taumata raho.

2 MARARATU 17:20

ne Mawu lai tate nanga'u anambon walahannu Israel. I Tou nakkuumanna wuṛṛu nanantili mangitou su manga seetti mangitou apan mal᷊aṛṛaga. I Tou tate lai umakkanni mangitou, ewe'e i mangitou niramme wuassu leta'a apan buatte nionggoli Tou si mangitou.

MIKHA 5:11

Manga pasangkaddu sarun Ta'u iapawul᷊i wuṛṛu anambon taṛṛa si'annu sarun Ta'u limbuaṛṛanna.