YESAYA 2:22 - WUKE SUSI WATTI'U AL᷊AL᷊USASSA

²² Nariaddi, ariete pangantimma su taumata apan mattate, ana waugu i tou tawe aregane.

YESAYA 2:22 Referans Kwoze

YEREMIA 17:5

Mawu nabbisara, “Napawe taumata manantangku, Mawune, wuṛṛu uaantimma su taumata wuṛṛu uaasakku ara'e uawansaggu atatohanne, ne i Ya'u sarun makkuumanni tou.

DARALO 146:3

Ariete pangantimma su tembonanne su taumata apan tawe mapanal᷊amatta.

YAKOBUS 4:14

Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.

DARALO 8:4

Amungkangu i ya'u maningngara langitta apan niriadi-Nu wul᷊anna wuṛṛu anumpitanna apan niaddo-Nu,

YESAYA 40:15

Su Mawu manga walahanna ere laikku ua'e sulal᷊ummu sasia, ere sambau awu su tatimbanganna; manga taṛṛanusa aṛṛannane nasuul᷊ungngu awu al᷊ussa.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

AYUB 27:3

i ya'u nassal᷊u: Tantal᷊anna Ruata ta'e mangngonggollu sasangngo si ya'u, tantal᷊anna niawa ta'e sulal᷊ummu waddangku,

YESAYA 40:17

Anambon pabbaawalaga tawe gunane si Tou, ere ola'u tawe baddi'a su saruan-Ne.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”