YESAYA 2:19 - WUKE SUSI WATTI'U AL᷊AL᷊USASSA

^19-21 Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

YESAYA 2:19 Referans Kwoze

YESAYA 2:10

I mangitou sarun sumutta sulal᷊ummu manga loṛṛangnga su manga wuidda watu, ara'e ma'al᷊i loṛṛangnga sulal᷊ummu leta'a tadea'u mal᷊iu wuassu asasa'un Mawu wuṛṛu wuassu taṛṛino-Ne apan mawantuga.

LUKAS 23:30

Su tempo udde taumata sarun mabbisara su manga wowone, ‘Umpisanete i yami!’ Wuṛṛu su manga wuidda, ‘Soopete i yami!’

HOSEA 10:8

Manga kuil su manga wuidda su Betel tampan taumatan Israel massubba paal᷊uanna, sarun ṛimunsaanna. Larangnga wuṛṛu nannal᷊o sarun tumuwo su mezbah i mangitou. Ana see i mangitou sarun mangintul᷊i sarun manga wowone, “Taapete i yami!” wuṛṛu su manga wuidda, “Soopete i yami!”

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

IBRANI 12:26

Su tempo udde tingikke naaṛṛindu'a runia. Arawe orassa indi i Tou na'ire, “Paassa lai, ya'u sarun mamaṛṛindu'a wal᷊ine tumba'u su runia ewe'e su langitta lai.”

HAGAI 2:6

Sulal᷊ummu tempo apan mal᷊ihakka i Ya'u sarun mangio'u langitta wuṛṛu runia, ammaranne wuṛṛu tahal᷊oangnga.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

SONDAPPA 16:18

See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, lapiddu linukka apan wahewalla. Tawe saran paassa pia linukka aroddi ahewalle ro'en taumata niriaddi. Ete indi linukka apan ahewal᷊anne!

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

SONDAPPA 9:6

Al᷊annune lima wul᷊anna udde, manga taumata maddea'a tadea'u mate, arawe i mangitou tawe mate; i mangitou ma'apulu mate arawe papate marau wuassi mangitou.

IBRANI 11:38

Runia indi wal᷊inewe tampa su ṛinone si mangitou. I mangitou lullallele su wadda'a wuṛṛu manga wuidda, see uatana'a sulal᷊ummu manga liangnga wuṛṛu sulal᷊ummu manga loṛṛangu leta'a.

2 TESALONIKA 1:9

Manga taumata udde sarun manengkamma ṛuumanna papate sarangkal᷊o'engnge, iramme su liudde wuassu ammul᷊annu taumata Mawu wuṛṛu wuassu taṛṛino-Ne apan mawantuga;

MIKHA 7:17

I mangitou sarun umomangnga su leta'a ere atoanna. Ringannu matta'utta wuṛṛu mangngindo i mangitou sarun sumabbangnga wuassu tanda'a watu mangitou, wua'udde rumanta ringa-Nu, oh Mawu Ruatan kami.

YEREMIA 16:16

Mawu nabbisara, “I Ya'u sarun mamaggo manambo samakka iapasametta manga taumata indi. Wua'udde i Ya'u mamaggo manambo matataṛṛia su iapasametta si mangitou suapan bowone wuṛṛu wuidda, wuṛṛu su manga loṛṛangngu wuidda watu.

YESAYA 30:32

Tantal᷊anna i mangitou mammendamma manga papuulle, umattu Mawu lulluassa ringannu musikku tambore wuṛṛu kecapi. Ruata sassane sarun mamangalo mando'appa Asyur.

DARALO 7:6

wala'ewe i ya'u enggenanna wuṛṛu sametannu seetta, ana see pateanna wuṛṛu itantangnga su leta'a.

1 SAMUEL 14:11

Napawe itarua nattingkapasilon batanganni tarua su taumatan Filistin su tampan pandariaganna udde, manga taumatan Filistin udde nabbisarate, “Pa'ellege, pia manga taumatan Ibrani apan sinumabbangnga wuassu manga loṛṛangnga tampa pa'imbunianni mangitou!”

1 SAMUEL 13:6

Wua'udde i mangitou namangalote ringannu tawe ampungnge su taumatan Israel, na'oman sara taumatan Israel matta'utte. Addaalle lai taumatan Israel uaimbuni sulal᷊ummu loṛṛangnga wuṛṛu liangngu wowone ara'e pasisalle'a su manga watu, ara'e sulal᷊ummu paṛṛihi wuṛṛu loṛṛangnga su leta'a,

AYUB 9:6

Ruata nandiaddi linukka na'oman sara runia niumio'a, wuṛṛu diṛṛi uatumpilla runia niumal᷊ore,

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 24:1

Mawu sarun mapaawinasan dunia, ma'oman sara mal᷊ol᷊okka wuṛṛu mal᷊annabba. I Tou sarun mangal᷊isangu wowon dunia wuṛṛu manal᷊iawukku tumanangnge.

YESAYA 24:18

Taumata apan tumal᷊angngu watanganne wuassu pagahahio udde sarun umul᷊ussa sulal᷊ummu sedda, wuṛṛu taumata apan mal᷊iu wuassu sedda sarun asongnganna. Uranna masaddatta sarun mawambinna wuassu langitta, wuṛṛu rapappakku runia sarun umio'a.

YESAYA 24:19

Runia nawa'a, napussa'a wuṛṛu niumio'a.

YESAYA 33:10

Mawu nabbisara su walahanna udde, “Orassa indi Ya'u sarun dumarisikka wuṛṛu mammanarate mapal᷊iatta'u taṛṛino-U.

YEREMIA 4:29

Niaringikka hion tantara uasa'e awal᷊o wuṛṛu mamamiti'a, naaola'a suapan taumata tuttal᷊angnga ussal᷊arenga. Manga mahurangnge nisuttanni mangitou, wuidda watu ni'awitanni mangitou. Anambon soa nabbal᷊i mal᷊annabba, tateddu mappulu lai matana'a isudde.

YEREMIA 48:28

I yamiu tumana'u Moab, tantanga'e manga soanu wuṛṛu atana'e su wuiddu watu ere manu'a merpati ma'ola'a sal᷊akke su rampissa ilingnga.

YEHEZKIEL 33:27

Waugu i Ya'u, Ruata apan biakka Mawu Apan Atanggaṛṛanne, manga taumata apan uatana'a su manga tuiddu soa udde sarun maten hal᷊ele. I mangitou apan uatana'a su manga wadda'a sarun inasannu winatangnga mal᷊aṛṛaga. I mangitou apan uaimbuni su manga wowone wuṛṛu manga loṛṛangnga sarun mate ana waugu al᷊aṛṛusa'itta.

NAHUM 3:11

Ei Niniwe, i'o lai sarun mapinsanna ana waugu wu'anna. I'o lai sarun mattinsahadda tadea'u maatal᷊angnga wuassu manga seennu.

HAGAI 2:7

Anambon walahanna sarun Ta'u pata'utanna wuṛṛu darotongngi mangitou sarun iapidda inawarendi, na'oman sara Wal᷊e-U mapenen paa'alan mangitou.

2 SAMUEL 22:46

Awawaṛṛanin mangitou nawul᷊ite; i mangitou mangngindo wuṛṛu sinumabbangnga wuassu pa'imbunianne.