YESAYA 2:11 - WUKE SUSI WATTI'U AL᷊AL᷊USASSA

¹¹ Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YESAYA 2:11 Referans Kwoze

DARALO 18:27

Su saruannu taumata apan susi I'o napal᷊iatta'u watangan-Nu susi, arawe taumata lal᷊eo paisaseetan-Nu.

YESAYA 2:17

Taumata mawunga sarun iapawawo, wuṛṛu taumata matanggakka iapasuṛṛubbawa. Tumba'u Mawu sassane apan wantuhanna.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

YESAYA 24:21

Sutempo udde Mawu sarun makkuumannu manga tembonannu winalanganna wuṛṛu manga ratu su runia.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

YESAYA 12:4

Sarun a'omanna tempone i yamiu mabbisara, “Pa'adiangkamante su Mawu, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

MIKHA 4:6

Mawu nabbisara, “Sarun a'omanna tempone i Ya'u sarun mangammullu manga taumata apan Ta'u iṛṛuumanna, eteudde i mangitou apan uatataṛṛaangnga su pamamuanganna.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

YEHEZKIEL 39:22

Manattakka orassa udde taumatan Israel sarun maasingkatta manungku ete i Ya'u Mawu Ruata mangitou.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

2 KORINTUS 10:17

Sulal᷊ummu Wuke Susi uawoṛṛetta, “Taumata apan sidutu lulluassu sambau sarannapa, ṛinone lai lumuassu apa apan buatte niola'u Mawu.”

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

ZAKARIA 9:16

Napawe allo nia'omante, Mawu sarun manal᷊amatta uman-Ne, naal᷊ihidda mallal᷊u'adda manal᷊amatta dombane wuassu asasilaka. I mangitou sarun lumansiangnga su leta'u Mawu, naal᷊ihidda permata mahkota apan sussal᷊endappa.

ZEFANYA 3:16

Sarun a'omanna tempone manga taumata sarun mabbisara sal᷊immurine, “Ei Yerusalem, ariete paata'utta wuṛṛu maaddio'a naungngu.

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

MIKHA 5:10

Manga soa pia tanda'a watune su wanuanu sarun Ta'u ṛimunsaanna, wuṛṛu anambon ahiddu sarun Ta'u iapaṛṛa'a.

OBAJA 1:8

Su allo i Ya'u makkuumannu Edom, manga taumata apan pande sarun Ta'u pateanna. Wuṛṛu al᷊awo'u asingkatti mangitou sarun mawul᷊i, tawe lannangnge.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

HOSEA 2:21

Sutempo udde napawe uma-U Israel umaliomanna, i Ya'u sarun maddaringikka si mangitou. Wuassu langitta i Ya'u sarun mapangansallu uranna ma'oman sara runia mapahessin gandumma, anggore wuṛṛu lanan zaitun. Wuassu laingitta i Ya'u sarun mapaansallu uranna ma'oman sara runia mapaahessin gandumma, anggore wuṛṛu lanan zaitun.

HOSEA 2:16

Ana see i tou managgo-U awingnge, wuṛṛu wal᷊ine Baal apan sassubbanni tou.

YEHEZKIEL 39:11

Mawu nabbisara, “Napawe sarangkanambone udde nariaddite, i Ya'u sarun mangonggolla si Gog leta'a pallabinganna su Israel, su Wawal᷊annu Pamareanna apan addone su samba'an ra'i wuassu Tahal᷊oangnga Nate. Ete isudde i Gog wuṛṛu anambon tantarane ilabbinga, wuṛṛu wawal᷊anne udde sarun isaggo ‘Wawal᷊annu Tantaran Gog’.

YEHEZKIEL 38:19

Wuṛṛu ringannu tumaniten nasa'u i Ya'u sarun mamansaga, manungku su allo udde pia linukka apan bahewalla su wanua Israel.

YEHEZKIEL 38:14

Ana waugu udde Mawu Apan Atanggaṛṛanne nandolo'u iapapasingkattu tanata indi si Gog, “Ana waugu sutempo uma-U Israel mabbiakka ringannu matammuda, i'o nirumanta namangalo.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

YESAYA 52:6

Ana waugu udde i yamiu sarun manga'u manungku i Ya'u Ruata, wuṛṛu sutempo udde i yamiu sarun maasingkatta manungku ete i Ya'u apan nabbisara si yamiu.”

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

YESAYA 29:18

Sutempo udde taumata wengella sarun maaringikka manga wisara wuassu sambau buke apan iabbasa, wuṛṛu taumata wuta apan tanginna mabbiakka marandumma sarun maasilo.

YESAYA 28:5

Mawu Apan Lembontaṛṛino sarun maola'a wunga apan maṛṛamaga su uman-Ne apan nallambe.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 4:1

Sutempo udde siri pitu wawine sarun mangaggassa sangkatou esakka wuṛṛu mabbisara, “Wala'awe i yami manga'u si'o sangkatou awingnga, tadea'u i yami tawe mamasanna asasili ana waugu tawe na'awingnga. Anna wuṛṛu laubba udde singkatten kami sassane.”

2 TESALONIKA 1:10

sarangkanambone udde sarun mariaddi su allo i Tou rumanta apia ana wantuhannu al᷊aṛṛanang-Nge wuṛṛu addatannu anambon taumata apan mangngimanna. I yamiu lai isudde su sambau ringannu walahannu Ruata udde, ana waugu i yamiu suete nangimanna watti'a apan niapaasingkati ami si yamiu.

2 SAMUEL 22:28

Taumata apan naungnge mawawo niapasal᷊aman-Nu; arawe taumata mawunga niṛṛuuman-Nu.

DARALO 20:8

Pia taumata mangngasakku keretan pangalone, piaddu lai mangngasakku kudane. Arawe i ite mangngasakku taṛṛinon Mawu, Ruatan kite.

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

AMSAL 30:13

Pia taumata apan massunna watanganne mapia atonna – tawe hampa apapiane!

YESAYA 23:9

Mawu Apan Lembontaṛṛino, ete i Tou apan makkawessa wuṛṛu manguddussu awawungan tumanangnge su anambon hessi manara apan buatte niola'i mangitou, wuṛṛu namawo manga taumata apan aaddatanna su runia.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

MIKHA 2:3

Ana waugu udde Mawu nabbisara, “I Ya'u manggol᷊agu asasilaka si yamiu, ma'oman sara i yamiu taweddu maatal᷊angnga. Sutempo apan dal᷊eo udde i yamiu sarun tawe maamatta lai ringannu mawunga.

DARALO 18:28

Taumata apan naungnge mawawo I'o nanal᷊amatta, arawe taumata mawunga niapasuṛṛubawa-Nu.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 94:2

Darisikke, oh Mallaṛṛuunga ahewallu runia, ṛuumana'e taumata mawunga uasul᷊ungngu inolaanni mangitou.

AMSAL 16:5

Anambon taumata mawunga ipaddantinnu Mawu; i Tou tawe namalan mangitou mal᷊iu wuassu ṛuumanna.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 14:15

Wutte'e i'o niwontolla su wageangnge apan alal᷊umanne wuassu runian taumata nate.

YESAYA 40:23

I tou na'ola'a manga tembonanne tawe naal᷊iore, wuṛṛu manga ahewal᷊anne niawul᷊iannu taṛṛinone.

YEREMIA 12:9

I mangitou ere manu'u winalanganna apan a'aṛṛatannu asiaṛṛe wuassu al᷊awo'u tampa. Waggoite anambon winatangngu ahuranganna iapainsue si mangitou.

DANIEL 4:34

Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.