YESAYA 19:25 - WUKE SUSI WATTI'U AL᷊AL᷊USASSA

²⁵ Mawu Apan Lembontaṛṛino sarun mangal᷊amatta si mangitou wuṛṛu mabbisara, “i Ya'u mangal᷊amatta si yamiu, ei Mesir uma-U, Asyur niriaddi-U, wuṛṛu Israel umatta apan nipile-U.”

YESAYA 19:25 Referans Kwoze

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

HOSEA 2:23

Sarun Ta'u olaanna uma-U mabbiakka su lal᷊umanna'a wuṛṛu mamanua su wanuan mangitou. Si mangitou apan isassago ‘Apan Tawe Niakkanna’ sarun Ta'u iapaal᷊iatta'a manungku i mangitou Ta'u arangnguanna, wuṛṛu si mangitou apan isassago ‘Wal᷊ine Uma-U’ sarun Ta'u iwal᷊o, ‘I yamiu Uma-U’. I mangitou sarun sumimbakka arendi, ‘Ete I'o Ruatan kami.’ ”

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

DARALO 115:15

Antimanna i yamiu al᷊amatannu Mawu, mandariaddi langitta wuṛṛu runia!

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

YESAYA 61:9

Pallaṛṛitenu tumelengnga su anambon tampa, maddingikka suwallattu al᷊awo'u walahanna. Ne anambon taumata apan naasilo sarun manga'u, manungku walahanna indi Ta'u nial᷊amatanna.”

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

REENGANNA 6:27

Wuṛṛu Mawu nabbisara, “Su tempo i mangitou managon arang-Ku maola'a al᷊amatta su walahannu Israel, i Ya'u sarun mangal᷊amatta si mangitou.”

REENGANNA 6:24

Antimanna Mawu mangal᷊amatta wuṛṛu mappadul᷊i si yamiu.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

GALATIA 6:15

Nisunatta ara'e tawe nisunatta udde tawe maola'a hatto. Apianne eteudde maola'a taumata wakku.

YESAYA 65:23

Sarangkanambone apan a'olaanni mangitou sarun mahessi, wuṛṛu al᷊aṛṛana'i mangitou tawe aṛṛombanganne mate. I mangitou wuṛṛu papapulunni mangitou sarun Ta'u al᷊amatanna saran mal᷊annu-l᷊annu.

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

YESAYA 45:11

Mawu, Ruata na'ukkassu Israel nabbisara, “Pa'iwal᷊ote si Ya'u su ola'u tempo addantane. Arawe arie maiwal᷊o ola'u manga ana-U, ara'e mandolo-U ma'ola'a manga apa.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

ROMA 3:29

Ara'e Ruata udde, tumba'u Ruatan taumatan Yahudi. Wal᷊inewe i Tou Ruatan walahanna waine lai? Ore atonna i Tou Ruatan walahanna waine lai!

REENGANNA 24:1

Orassa indi i Bileam masingkatte manungku Ruata mappandumma i tou mangal᷊amatta walahannu Israel. Ana waugu udde i tou tawe inai naddea'a manga tatiala ere niola'i tou paarorone. I Bileam na'ellega watukku wadda'a,

YESAYA 19:24

Sutempo udde Israel sarun uasul᷊ungnga atanggakke ringannu Mesir wuṛṛu Asyur, ne araratuanna tatallu udde sarun maola'a al᷊amatta su ahewallu runia.

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.