YESAYA 19:21 - WUKE SUSI WATTI'U AL᷊AL᷊USASSA

²¹ Mawu sarun mapal᷊iatta'u watangan-Ne su walahannu Mesir, wuṛṛu i mangitou sarun maaillal᷊a wuṛṛu massubba si Tou, lapiddu mangapiddu aonggolla wuṛṛu sasamba si Tou. I mangitou sarun maddiandin Tou ringannu sasalu wuṛṛu mappaamattu riandi udde.

YESAYA 19:21 Referans Kwoze

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

ZEFANYA 3:10

Ewe'e lai wuassu Sudan apan marau, uma-U apan nassal᷊iawukka udde sarun dumanta wuṛṛu mangongollu sasamba si Ya'u.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

YUNUS 1:16

Manga mamanaran apalla udde nabbal᷊i lembon matta'uttu Mawu, wuṛṛu napawe su ammarannete, i mangitou nangonggollu sasamba wuṛṛu nangimben al᷊awo'u hatin sasamba su Mawu.

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 44:5

Sangkatou-sangkatou sarun manga'u watanganne pussa'a-U, wuṛṛu rumanta maammulla ringannu papapulunni Yakub. Sangkatou-sangkatou mammoṛṛetta su limane: Pussa'a Mawu, wuṛṛu mannaggon batanganne umattu Ruata.”

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

MANNANASE 5:4

Mappianne tawe maddiandi wuassu maddiandi see mangawusu.

DARALO 67:2

Antimanna Ruata mandangngu wuṛṛu mangal᷊amatta si ite, antimanna i Tou ma'ellega si ite ringannu sasaṛionto'u naungnga.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

1 SAMUEL 17:46

Allo indi lai Mawu sarun manantillu si ya'u; i'o sarun ta'u iwaddo wuṛṛu puanu sarun ta'u ṛatanna. Waddangngu wuṛṛu manga tantaran Filistin sarun ta'u ionggolla su manu'u winalanganna wuṛṛu winatanganga iapa'inassa. Ne ahewallu runia sarun maasingkatta manungku yami walahannu Israel pia Duata apan sassubbanni yami,

DARALO 61:8

Antimanna i tou mamarenta saran mal᷊annu-l᷊annu naola'a ratu nipile-Nu, oh Ruata, lu'arewe i tou ringannu darangngu wuṛṛu apapia-Nu.

DARALO 68:31

Limbuaṛṛete Mesir, winatangnga mal᷊aṛṛaga udde wuassu pattangngannu tiwo. Tagguete manga walahanna, ammul᷊annu bantenga udde ringannu al᷊aṛṛanangnge, apan ual᷊aṛinda tadea'u maasomba sal᷊a'a. Ruata nanal᷊iawukku manga walahanna apan apulune uapapangalo.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 60:7

Ambingnga domba wuassu Kedar niapidda ringannu domba mendangenna wuassu Nebayot nasaddiate su ipattaṛṛamawunu. Sasamba udde ma'al᷊uassa naungngu Mawu i Tou nalloggakka Wal᷊en-Ne apan napenen awawantuga.

YESAYA 66:23

Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

DARALO 68:32

Manga ahewal᷊annu Mesir nirumanta uaapiddu witu'a; taumatan Sudan uasasaṛṛawutta uaapiddu aonggola su Ruata.