YESAYA 19:20 - WUKE SUSI WATTI'U AL᷊AL᷊USASSA

²⁰ Mezbah wuṛṛu diṛṛi udde naola'a sambau papasingkatta Mawu Apan Lembontaṛṛino udde su Mesir. Amungkangngu walahanna udde allanganna, wuṛṛu i mangitou umui maiontolla su Mawu, i Tou sarun mandolokku sangkatou iapasal᷊amatta si mangitou.

YESAYA 19:20 Referans Kwoze

TITUS 2:13

Orassa indi i ite tantal᷊anna uaraṛṛaddo Allo apan aantimanni ite udde; su Allo udde runia sarun maasilo awawantugi Yesus Kristus, eteudde Mawu Ahewal᷊anne wuṛṛu Ratun Punnu Sal᷊amatti ite.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

YESAYA 55:13

Alu cemara sarun mangganti aputta ṛoaanna sasuanna bunga mangganti manga pal᷊ampungnga. Udde mariaddi tadea'u i Ya'u tumelengnga; maola'a tatiala sarangkal᷊o'enge apan tawe mawul᷊i.”

YESAYA 52:5

Orassa indi apate manara-U isindi? Taumatan Babel nanawanna si yamiu ringannu walate apulune. I mangitou apan mangngallangnga si yamiu mammunga wuṛṛu sidutu mallobbossa si Ya'u.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 20:4

Ratun Asyur sarun manawanna manga taumatan banua darua udde wuṛṛu i mangitou sarun ul᷊uhanna ara'e iapidda ringannu tantol᷊e. Timadde wuṛṛu dario'a, sarangkanambone sarun umamatta tawe laubba wuṛṛu apampakku ledda ringannu ottane ia'asilo, maola'a hahelo su taumatan Mesir.

YESAYA 19:4

Mesir sarun Ta'u itantilla su liman sangkatou ratu apan maṛṛaggissa apan mamarenta si mangitou ringannu mal᷊aṛṛaga. I Ya'u, Mawu Apan Lembontaṛṛino, buatte nabbisara.”

YOSUA 22:34

Panginsueanne ṛuanganni Ruben wuṛṛu i Gad udde nabbisara, “Meddan sasamba indi maola'a tatialan kite sarangkanambone manungku Mawu eteudde Mawu Ruata.” Ne i mangitou nanagon mezbah udde “Tatiala”.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 2:23

Manga pira tonna wua'udde ratu Mesir natete. Arawe balahannu Israel ta'e sussal᷊iomanna ana waugu i mangitou niallangnga, na'oman sara i mangitou mangintul᷊i ma'iontolla. Sasal᷊iomanni mangitou na'omate ringannu Ruata.

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

YESAYA 43:11

I Ya'u sassane Mawu, baline i Ya'u tawedu maasal᷊amatta.

YESAYA 45:15

Ruata apan nanal᷊amatta Israel uddewe Ruata apan mammunin batangan-Ne.

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YESAYA 63:8

Mawu nabbisara, “Atonna-tonna, i mangitou uddewe uma-Ku, manga al᷊aṛṛana'a apan tawe nandal᷊eo naungnga.” Ne i Tou nabbal᷊i Mananal᷊amatti mangitou,