YESAYA 18:7 - WUKE SUSI WATTI'U AL᷊AL᷊USASSA

⁷ Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

YESAYA 18:7 Referans Kwoze

ZEFANYA 3:10

Ewe'e lai wuassu Sudan apan marau, uma-U apan nassal᷊iawukka udde sarun dumanta wuṛṛu mangongollu sasamba si Ya'u.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 18:4

Mawu nabbisara si ya'u, “Wuassu atatanaang-Ku al᷊iurosone, i Ya'u sarun mangintanno inawa ringannu matammudda wuṛṛu matilangnga, ere atatammuddu wal᷊angngukka apan naola'a sutempo ṛabbi apan masal᷊ihangnga sutempon pangangitingnga, wuṛṛu ere asemakku matannallo sutempo allo.

2 TAWARIKH 32:23

Manambo taumata nirumanta watukku Yerusalem uaapiddu sasamba su Mawu wuṛṛu manga aonggola si Hizkia, na'oman sara nanattakka orassa udde i tou aaddatannu anambon walahanna.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

YESAYA 16:1

Wuassu soa Sela su wadda'a lol᷊okka, walahannu Moab nangonggollu ana'u domba apan ionggolla su tembonannu Yerusalem.

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

YESAYA 18:2

Wuassu wanua udde nirumantate manga daroloṛṛanna massaalannu pandanna tinumumbe Sal᷊ukku Nil. Ei, manga daroloṛṛanna apan matikko'a, paal᷊ihakka apul᷊ete su wanuanu apan aeleṛṛannu manga sal᷊ukka udde. Apira'e indi sambau tanata hunan walahannu apan matohassa wuṛṛu waṛṛani, manga taumatanu apan matanggakka wuṛṛu pisine al᷊ussa wuṛṛu iaata'utta su ahewallu runia.

HABAKUK 1:7

Su al᷊awo'u tampa i mangitou mandantan atata'utta; ringannu mawunga i mangitou mannol᷊a'u anambon tita tabbene'e nasul᷊ungngu apulun mangitou.

DARALO 68:32

Manga ahewal᷊annu Mesir nirumanta uaapiddu witu'a; taumatan Sudan uasasaṛṛawutta uaapiddu aonggola su Ruata.