YESAYA 18:6 - WUKE SUSI WATTI'U AL᷊AL᷊USASSA

⁶ Manga winal᷊unannu tantarane sarun itantangnga mabbal᷊i inassu manga manu'u winalanganna sutempo paddissa, wuṛṛu winatangnga mal᷊aṛṛaga sutempo masunge.”

YESAYA 18:6 Referans Kwoze

YEREMIA 7:33

Manga winal᷊unanni mangitou sarun maola'a inassu manu'u winalanganna wuṛṛu winatangnga mal᷊aṛṛaga, ringannu taweddu mallimbuakka.

YEREMIA 15:3

I Ya'u, Mawu, buatte nanantunna manungku appatta ṛuumanna apan ma'ata'utta sarun mariaddi si mangitou: i mangitou sarun mate sulal᷊ummu pangalo, winal᷊unanni mangitou sarun wol᷊engannu asu, inasannu manu'u winalanganna, wuṛṛu insueannu winatangnga mal᷊aṛṛaga.

YESAYA 56:9

Mawu nandolokku manga walahanna waine nirumanta ere winatangnga mal᷊aṛṛaga iapatambo uman-Ne.

YESAYA 14:19

arawe i'o tawe lal᷊abbinganne; winal᷊unannu niramme ere solla apan nitol᷊a'a, niomboannu manga winal᷊unannu pejuangnga apan nate sulal᷊ummu pangalo, wuṛṛu niramme suaddio'i ṛuanganni mangitou watukku liangnga watu, naal᷊ihidda winal᷊unanna apan lakkindanna.

YESAYA 23:13

Wal᷊ine walahannu Asyur, ewe'e walahannu Babel apan namalan soa Tirus apan paparentannu winatangnga mal᷊aṛṛaga. Ete i mangitou lai apan napararisikku manga menara pamangaloanna, naṛṛa'an manga tanda'a watune wuṛṛu na'ola'a soa udde ete winalal᷊anna.)

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEHEZKIEL 31:13

Manga manu'u winalanganna sarun dumanta wuṛṛu umarunna su manga aal᷊uanna apan naṛṛaate udde, wuṛṛu manga winatangnga matengnga sarun maṛṛinda manga rannane.