YESAYA 18:1 - WUKE SUSI WATTI'U AL᷊AL᷊USASSA

¹ Wuassu sambau wanua, su samba'a manga sal᷊ukku Sudan niaringikka tingikku serangga.

YESAYA 18:1 Referans Kwoze

ZEFANYA 3:10

Ewe'e lai wuassu Sudan apan marau, uma-U apan nassal᷊iawukka udde sarun dumanta wuṛṛu mangongollu sasamba si Ya'u.

2 MARARATU 19:9

Ratun Asyur naaringikke watti'a manungku tantaran Mesir su al᷊ungu piaṛa'i Tirhaka ratun Sudan inawarendite mamangalo si mangitou. Ana waugu udde ratun Asyur nangirimmu suratta si Hizkia ratun Yehuda.

ZEFANYA 2:12

See lai tumana'u Sudan sarun aṛṛiannu ṛuumanna pateanna ṛattangannu Mawu.

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

YEHEZKIEL 30:9

Napawe allo udde nia'omante, wuṛṛu Mesir naṛṛimunsa'e, i Ya'u sarun mandolokku manga daroloṛṛanna ringannu manga apalla ipamaṛṛindu'a manga taumatan Sudan apan tawe antage udde, ne i mangitou sarun mata'utta. Atonna, allo udde sarun dumanta!”

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

DARALO 63:7

Sutempo ual᷊allowanga sutampa atatiil᷊anna, i ya'u uanaungnga Si'o; su al᷊o'engngu ṛabbi i ya'u maṛṛigiddu Mawu,

DARALO 61:4

ana waugu ete I'o mallal᷊ua'u, pattillumanna apan matohassa su saruannu see'u.

DARALO 57:1

Su piaṛṛa'u mangangantari. Tumuṛṛuttu antari: Imbaṛṛangnga manggohakka. Daralo wuassi Daud, sutempo i tou tinumal᷊anga su loṛṛangnga mallinda'i Saul.

DARALO 36:7

Apapia-Nu naal᷊ihidda atanggaku wowone, wuṛṛu atatul᷊iddu Mawu alal᷊umme ere laudda; taumata wuṛṛu winatangnga nipadul᷊ianan-Nu, oh Mawu.

DARALO 17:8

Paddul᷊ianewe i ya'u naal᷊ihidda ana'u mata-Nu, wuniaawe i ya'u su al᷊ungngu papaiddu Mawu

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”

YESAYA 37:9

Ratun Asyur naaringikke lai watti'a manungku tantaran Mesir su alungngu piaṛṛa'i Tirhaka wuassu Sudan tantal᷊anna inawarendi mamangalo si mangitou. Ana waugu udde, ratun Asyur nangirimmu suratta si Hizkia,

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!