YESAYA 17:9 - WUKE SUSI WATTI'U AL᷊AL᷊USASSA

⁹ Su allo udde, manga soan Israel apan matohassa lal᷊indumme sarun mabbal᷊i aomboannu wal᷊en nangkaṛṛa'a wuṛṛu mal᷊annabba, ere manga soa apan tinantangngu taumatan Hewi wuṛṛu Amori sutempo i mangitou tinumal᷊angnga wua dingannu taumatan Israel.

YESAYA 17:9 Referans Kwoze

YESAYA 27:10

Soa pia tanda'a watune udde nabbal᷊ite lallangoanna wuṛṛu nitantangnga ere wadda'a mal᷊alangnga apan tawe loṛṛone. Ammul᷊annu winatangnga papadul᷊iananna u'anna wuṛṛu mangngillol᷊o isudde lapiddu mangnginsue manga rongnga wuassu manga rannan kalu.

MIKHA 7:13

Arawe runia sarun mabbal᷊i lol᷊okka ana waugu al᷊al᷊eon tumanangnge.

MIKHA 6:16

Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”

MIKHA 5:11

Manga pasangkaddu sarun Ta'u iapawul᷊i wuṛṛu anambon taṛṛa si'annu sarun Ta'u limbuaṛṛanna.

AMOS 7:9

Manga tampa apan nipaattu papapulunni Ishak pattaṛṛa mawuanna sarun hoaṛṛanna. Manga tampa susin taumatan Israel sarun iapaaṛṛa'a. I ya'u sarun makkimunsa'a papapulunni Ratu Yerobeam.”

HOSEA 10:14

ne tumanangngu sarun aṛṛiaannu pangalo, wuṛṛu anambon tanda'a watunu sarun ṛimunsaanna. Olangnge ere su allo i Ratu Salman nanggohakku soa Bet-Arbel sulal᷊ummu pangalo, wuṛṛu nangiladda manga wawine suadio'a ringannu al᷊aṛṛanangnge.

YESAYA 17:8

I mangitou tate lai mangantimma hessin inolaanni mangitou sassane, eteudde manga mezbah tampa pananutunganna amania, wuṛṛu manga paal᷊uanni Dewi Asyera.

YESAYA 17:10

Israel, i'o naabul᷊iten Duata apan nanal᷊amatta wuṛṛu mallu'adda si'o, naal᷊ihidda wowone watu apan matohassa. Mawal᷊i'a, i'o buatte nassuanna manga wailla hunan manga monganna.