YESAYA 17:8 - WUKE SUSI WATTI'U AL᷊AL᷊USASSA

⁸ I mangitou tate lai mangantimma hessin inolaanni mangitou sassane, eteudde manga mezbah tampa pananutunganna amania, wuṛṛu manga paal᷊uanni Dewi Asyera.

YESAYA 17:8 Referans Kwoze

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YESAYA 2:8

Suapan tampa pia passasubba monganna, wuṛṛu i mangitou massubba manga paal᷊uanna apan nilanginni mangitou sassane.

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

ZEFANYA 1:3

anambon taumata wuṛṛu winatangnga, nasutta manu'u winalanganna wuṛṛu inassa. Taumata lal᷊eo sarun Ta'u pateanna. Anambon umattu taumata sarun insuenanna, tawe saran sangkatou apan Ta'u iwala wiakka. I Ya'u, Mawu, buatte nabbisara.

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

YESAYA 44:15

Sambageanganna wuassu alu udde niola'a alu paningiṛṛanna wuṛṛu pinallol᷊o roti wuṛṛu pinattapa ṛemessa, se'e i tou nal᷊aidde. I tou manningikka wuṛṛu nabbisara, “Uare, atemangngawe eteapa wuṛṛu asal᷊ihamma! Atonna mangke ma'al᷊uassa putungnga indi!” Lamben kalu udde nipa'anne ipallanginnu paal᷊uanna. I tou uaaruutta massubba udde wuṛṛu niumal᷊iomanna, “Ete i'o mawu'u, paasal᷊amata'awe i ya'u!”

YESAYA 1:29

I mangitou sarun masili ana waugu massubba manga aaluanna wuṛṛu naṛṛaen manga wailla ionggolla su manga monganna.

2 TAWARIKH 34:4

Manga paal᷊uanna wuṛṛu manga monganna udde nihohakku tantaran Yosia ana see omane nisal᷊iawukki mangitou su wowon labbingu manga taumata apan mangngonggolu sasamba su manga monganna udde. Manga mezbah Baal wuṛṛu manga mezbah amania isudde niṛṛa'an mangitou.

2 TAWARIKH 14:5

Anambon tampa passubbanna paal᷊uanna wuṛṛu tampa panambunannu amania niingkatta wuassu manga soan Yehuda. Ne matammudde araratuanna udde su al᷊ungngu parentane,

SASABANGNGA 34:13

Nariaddi, imbaṛṛangnga ma'ola'a aroddi, arawe paṛṛaa'a manga mezbah mangitou, ṛimunsa'a manga palem paal᷊uanni mangitou wuṛṛu tuwangke manga diṛṛin Asyera, monganni mangitou.

TAHIUL᷊E 7:5

Ana waugu udde, hogaṛṛa'e manga mezbah manga walahanna udde, ṛimunsa'a manga diṛṛi watu apan sassunnanni mangitou maṛṛaubba, watanga'a manga waneṛṛan Asyera, wuṛṛu tambuna'e manga paal᷊uanna apan sassubbanni mangitou.

2 SAMUEL 22:42

I mangitou mangngintul᷊i, arawe taweddu umontolla, i mangitou sussal᷊ande Mawu, arawe i Tou tawe sumimbakka.

YESAYA 10:20

Tempone sarun dumanta lamben walahannu Israel apan naralukka tate lai mangantimmu wiakke su walahanna apan uaparenta apan maranite mamate si mangitou, ewe'e lai Mawu, Ruata susin Israel.

YESAYA 17:9

Su allo udde, manga soan Israel apan matohassa lal᷊indumme sarun mabbal᷊i aomboannu wal᷊en nangkaṛṛa'a wuṛṛu mal᷊annabba, ere manga soa apan tinantangngu taumatan Hewi wuṛṛu Amori sutempo i mangitou tinumal᷊angnga wua dingannu taumatan Israel.

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

YEREMIA 17:2

Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,

2 TAWARIKH 31:1

Napawe ramea nuddusse, tumanangnge sarangkanambone inaite su al᷊awo'u soa su Yehuda, ana see nanggohakku manga pale pasasubbanna, naṛṛa'an manga paal᷊uanna apan niaparisikka hunan Mongannu Asyera, wuṛṛu nanggohakku manga mezbah see lai manga tampa passubbanna paal᷊uanna. I mangitou na'ola'a aroddi lai su manga tampa waine su Yehuda, see su wageangngu leta'i Benyamin, Efraim, wuṛṛu Manasye. Wua'udde i mangitou sarangkanambone napul᷊ete su wanuane sambau-sambau.

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”