YESAYA 17:6 - WUKE SUSI WATTI'U AL᷊AL᷊USASSA

⁶ Naal᷊ihidda alun zaitun apan buatte niti'o wuane, wuṛṛu natantangnga ete manga pira su pentakku manga rannane, aroddi lai Israel tumba'u addio'a taumata masal᷊amatta. I Ya'u, Mawu, Ruatan Israel, buatte nabbisara.”

YESAYA 17:6 Referans Kwoze

YESAYA 24:13

Eteudde apan sarun mariaddi su ahewallu runia su anambon araratuanna. Nassul᷊ungnga ere lai sutempon pangangitingnga, sutempo wuan zaitun ti'oanna abbi-abbi wuṛṛu wuan anggore apan panginsueanne ti'oanna wuassu al᷊une.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

ROMA 9:27

Nabi Yesaya nabbisara ringannu maṛṛagissa su ola'u walahannu Israel, “Salaiwe reengannu walahannu Israel anambone ere anne su tahal᷊oangnga, tumba'u matul᷊ungnga apan masal᷊amatta;

OBAJA 1:5

Taṛṛa ta'o ara'e mangangaṛṛo apan nirumanta sutempo ṛabbi, tumba'u manganu saranapa apan ipaapulune. Taumata apan manni'o anggore su wailla, sidutu mangngaddo manga piran bau. Arawe i'o sarun insueannu manga seennu.

MAL᷊AṚṚUUNGNGA 8:2

Arawe i Gideon sinumimbakka, “Sarangkanambone apan ta'u niola'a tawe gunane isumandinga su apa apan buatte niola'i yamiu. Selaine inolaanni yamiu matul᷊u, arawe wuassu matul᷊u udde maareganna wuassu sarangkanambone apan buatte niola'u tantaran ṛuangangku.

ROMA 11:26

Ete aroddi anambon taumatan Yahudi sarun masal᷊amatta. Ana waugu sulal᷊ummu Wuke Susi uawoṛṛetta arendi, “Ratun Punnu Sal᷊amatta sarun rumanta wuassu Sion; I Tou sarun manubbussa anambon al᷊al᷊eon papapulunni Yakub.

MIKHA 7:1

Nasilakate i ya'u! I ya'u naal᷊ihidda ere taumata niamal᷊unusanna apan inaite nani'o wuan aaluanna napawe nal᷊iudde tempone. Nasuete manga wuane su aaluanna. Wuan anggore wuṛṛu wuan ara apan mangkapia sarangkanambone nasuete niti'o.

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

YESAYA 27:12

Sutempo udde Mawu sarun mangammullu pabbawala-Ge passambau wuassu Sal᷊ukku Efrat maddatingngu passarannu Mesir. I Tou sarun makkaen mangitou naal᷊ihidda taumata makkaen watun gandumma wuassu wal᷊a'ane.

YESAYA 10:22

Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

1 MARARATU 19:18

Arawe 7.000 su atoune su Israel sarun Ta'u iapasal᷊amatta, eteudde manga taumata apan sidutu matuṛṛutta si Ya'u wuṛṛu tawe saran paassa niumal᷊intudda massuba paal᷊uanni Baal ara'e nangari'a.”

YEREMIA 4:27

Mawu nabbisara manungku ahewallu runia sarun maoala'a wadda'u anne, arawe i Tou tawe manggohakka abbi.)