YESAYA 17:4 - WUKE SUSI WATTI'U AL᷊AL᷊USASSA

⁴ Mawu nabbisara, “Sarun a'omanna tempone awawantugu Israel muddussa, wuṛṛu pa'a'alane mawul᷊i.

YESAYA 17:4 Referans Kwoze

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

YEHEZKIEL 34:20

Ana waugu udde, i Ya'u, Mawu Apan Atanggaṛṛanne mabbisara si yamiu, ei manga domba apan matawa, manungku i Ya'u sarun dumanta maola'a mallaṛṛuunga suwallattu domba apan matohassa wuṛṛu domba apan lome.

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 24:13

Eteudde apan sarun mariaddi su ahewallu runia su anambon araratuanna. Nassul᷊ungnga ere lai sutempon pangangitingnga, sutempo wuan zaitun ti'oanna abbi-abbi wuṛṛu wuan anggore apan panginsueanne ti'oanna wuassu al᷊une.

YESAYA 10:4

Pal᷊addu pabbiaṛṛannu tumba'u pateanna sulal᷊ummu pangalo ara'e ehetanna maola'a taumata niatawanna. Arawe Mawu ta'e sidutu massa'u wuṛṛu ta'e makkuumanna.

YESAYA 9:8

Anambon walahannu Israel wuṛṛu tumana'u Samaria sarun maasingkatta manungku ete Mawu apan na'ola'a udde. Orassa indi i mangitou namunga wuṛṛu matanggakka naungnge. I mangitou mabbisara,

PANDARIADDI 41:3

Wua'udde pitu sapi waine sinumabangnga lai; manga winatangnga udde maṛṛasa wuṛṛu ete pisi uapi'unna duṛṛi. Manga sapi maṛṛasa udde uarisikka su sandiṛṛannu manga sapi matawa, su winggin sal᷊ukka udde.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

YESAYA 17:3

Israel sarun awul᷊iannu pattillummanna wuṛṛu Damsyik awul᷊iannu awawebbasi mangitou. Taumatan Siria apan lambene sarun mabbisakka sulal᷊ummu asasusa ere taumatan Israel, i Ya'u, Mawu Apan Lembontaṛṛino nabbisara.”

2 MARARATU 17:3

I tou nipangaloanna wuṛṛu niawaddon Salmaneser ratun Asyur, na'oman sara suapan tonna i tou ṛinone mamaekka wose si tou.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

AMOS 3:12

Naal᷊ihidda sangkatou mallal᷊u'adda winatangnga apan naasangkalla tumba'u sampare ledda ara'e sampoto tal᷊ingan dombane apan buatte niaṛṛattu singa, aroddi lai tumba'u addio'a apan sarun matantangnga wuassu tumana'u Samaria apan orassa indi matema-temangnga mattiilla su lallowanganne apan mapia.”