YESAYA 17:13 - WUKE SUSI WATTI'U AL᷊AL᷊USASSA

¹³ I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YESAYA 17:13 Referans Kwoze

DARALO 9:5

Ana waugu I'o mammarenta naola'a mallaṛṛuungnga apan matul᷊idda; I'o buatte nanahekku hatto'u.

DARALO 1:4

Arawe taumata lal᷊eo: i tou naal᷊ihidda wal᷊a'a apan pinassal᷊iawuku anginna.

AYUB 21:18

Apa i mangitou ere laṛṛami wuṛṛu awu apan nisal᷊iawukku lakkuti wuṛṛu tiniuppu anginna?

YESAYA 29:5

Arawe anambon taumata raho apan maṛṛagissa udde sarun mawul᷊i naal᷊ihidda awu wuṛṛu wal᷊a'a nitiuppu anginna. Ringannu sangkaṛṛondappa wuṛṛu tawe niaṛṛangngo.

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

DANIEL 2:35

Sutempo udde lai ahewallu paal᷊uanna udde naṛṛa'a wuṛṛu naola'a ombon atta'a, leta'a maṛṛamutta, witu'a, sal᷊a'a, wuṛṛu wul᷊awanna apan naṛṛimunsa'e ere awu su tampa paṛṛindanna gandumma sutempon paddissa. Ombone udde nassal᷊iawukke nitiuppu anginna, na'oman sara tawe nanantangngu lannangnge saran addio'a. Arawe watu apan napaṛṛa'an paal᷊uanna udde nabbal᷊i lembon wahewalla ere wowone wuṛṛu namene ahewallu runia.

YESAYA 27:1

Sutempo udde Mawu sarun mappaattu hal᷊ele-Ne apan matohassa wuṛṛu maṛṛoro ipakkuumannu Lewiatan, atoanna apan tuttundo wuṛṛu mammul᷊issa udde, wuṛṛu ipamate nagan tahal᷊oangnga.

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

DARALO 35:5

Wala'e i mangitou enggenannu mala'ekattu Mawu, naal᷊ihidda wal᷊a'a nisal᷊iawukku anginna.

AYUB 38:11

Wisara-U si tou, ‘Eteindi passaranne. Arie i'o lumewessa! Ete isindi manga tahal᷊oangnga apan matohassa ṛinone mattaalla.’

DARALO 65:7

Ringannu atatohan-Nu I'o napararisikku manga wowone, tadea'u mapal᷊iatta'u taṛṛino-Nu apan matohassa.

YESAYA 8:7

Ana waugu udde i Ya'u, Mawu, sarun maparantan ratun Asyur wuṛṛu anambon tantarane mapapangalo Yehuda. I mangitou sarun lumempangnga ere Sal᷊ukku Efrat apan mattaṛṛatompe'a wuṛṛu mangngelekka su manga rampinne.

YESAYA 21:15

Ana waugu i mangitou buatte tinumal᷊angngu watanganne wuassu hal᷊ele apan sasawutanna, wuassu al᷊ati'anna apan annatante, wuṛṛu wuassu pangalo apan ammahane.

YESAYA 34:17

Ete Mawu apan nattahia wanua udde suwallatti mangitou wuṛṛu sambau-sambau nanengkamma tahiane. I mangitou sarun matana'a isudde sarangkal᷊o'enge, wuṛṛu leta'a udde sarun maola'a pussa'a mangitou marṛana'a mappulunna.

YESAYA 40:15

Su Mawu manga walahanna ere laikku ua'e sulal᷊ummu sasia, ere sambau awu su tatimbanganna; manga taṛṛanusa aṛṛannane nasuul᷊ungngu awu al᷊ussa.

YESAYA 40:24

I mangitou udde naal᷊ihidda sinuananna wakku apan wakkute tuttuwo ṛamunne. Napawe Mawu maniuppu anginna, i mangitou maṛṛangu wuṛṛu nitallange ere laṛṛami.

YESAYA 41:11

Pa'ellege, anambon taumata apan massa'u si'o, sarun iwaddo wuṛṛu iapaasili. Manga taumata apan mando'appa si'o, sarun mate wuṛṛu masue masahangginna.

ZEFANYA 2:2

tatal᷊anna i yamiu taambe tinumolangnga wuṛṛu maṛṛangu ere bunga! Awal᷊ute tantal᷊anna taambe nirumanta allo asasa'un Mawu, wuṛṛu i yamiu aṛṛiaannu asasa'un Mawu apan lukkenggamma udde.

DARALO 65:8

I'o napal᷊enakku tandi'u tahal᷊oangnga wuṛṛu daṛṛan lua'a, wuṛṛu I'o napal᷊annabu al᷊iba'ukku manga walahanna.

YESAYA 30:28

I Tou nandolokku anginna niapal᷊iuṛṛoro wuassi Tou naal᷊ihidda manawangnga atanggakke sara ullekka apan nangelekku al᷊awo'a. I Tou nakkadda'a manga walahanna, wuṛṛu namal᷊aatta manga ṛiinni mangitou apan dal᷊eo.