YESAYA 17:11 - WUKE SUSI WATTI'U AL᷊AL᷊USASSA

¹¹ Arawe salaiwe sasuanna udde nasal᷊a nassolla wuṛṛu nabbantite su allo i'o nassuannu sasuanna udde, arawe tawe buane. Pia tumba'u asasusa wuṛṛu ṛadda'a apan tawe mawul᷊i.

YESAYA 17:11 Referans Kwoze

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

AYUB 4:8

I ya'u naasingkatta wuassu aellega manungku taumata apan mammajeko waillu al᷊al᷊eo, wuṛṛu mangngasi'u wualannu asasilaka maola'a wualannu sasuanna, sarun mangitingnga silaka wuṛṛu asasusa!

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

HOSEA 9:16

Taumatan Israel sarun Ta'u iṛṛuummanna. I mangitou sarun mabbal᷊i ere sasuanna apan tawe mabbua, wuṛṛu manga ṛamunne naṛṛangute. I mangitou sarun tawe maasomba ana'a; arawe salaiwe i mangitou uatahuanna ana'a, sarun Ta'u pateanna al᷊aṛṛana'a apan arangnguanni mangitou udde.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

DARALO 90:6

sutempo marua allo i tou tuttuwo wuṛṛu matti'akka, arawe tumulongnga sutempo mawawallo.

IMAMATTA 26:20

Anambon inasaharannu tawe gunane, ana waugu letangu tawe mangonggolu hessine wuṛṛu manga sasuannu sarun tawe mabbua.

TAHIUL᷊E 28:39

I yamiu sarun massuanna manga wawail᷊annu anggore wuṛṛu mappadul᷊i, arawe tawe maati'o wuan anggore udde wuṛṛu ma'inumma ua'ene, ana waugu punnu anggore udde nasuete niannu ul᷊idda.

YESAYA 17:5

Israel sarun maola'a ere wawail᷊anna su Refaim apan buatte niitingnga gandumme, wuṛṛu tumba'u nallambe addio'a.

YOEL 1:17

Wualanna nate su leta'a apan mamara. Tate gandumma sahipunanna, ne manga wal᷊ingkakka tate loṛṛone wuṛṛu nabbal᷊i ombon sapadda.