YESAYA 17:10 - WUKE SUSI WATTI'U AL᷊AL᷊USASSA

¹⁰ Israel, i'o naabul᷊iten Duata apan nanal᷊amatta wuṛṛu mallu'adda si'o, naal᷊ihidda wowone watu apan matohassa. Mawal᷊i'a, i'o buatte nassuanna manga wailla hunan manga monganna.

YESAYA 17:10 Referans Kwoze

YEREMIA 2:32

Apa pia maṛṛuala apan maabul᷊in lal᷊ogakke, ara'e ma'aawingnga wawine apan maabul᷊in laubbu awinge? Arawe i yamiu mal᷊annute atonna na'abul᷊i-U – ro'en sutempo apan tawe iareengnga al᷊annune.

YESAYA 26:4

Pangngimante su Mawu sidutu, ana waugu Mawu Ruata sidutu ual᷊u'adda si ite.

TAHIUL᷊E 32:18

I mangitou tawe mappandumma Mananal᷊amatti mangitou apan matohassa, maabul᷊in Duata mangitou apan mangngonggolu wiakka.

DARALO 106:21

I mangitou naabul᷊in Duata mananal᷊amatti mangitou apan buatte na'ola'a manga inolaanna wahewalla su Mesir.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

HOSEA 8:14

Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”

YEREMIA 17:13

Mawu, ete I'o aantimannu Israel, uman-Nu; sarangkanambone apan nanantang-Ngu sarun masili. I mangitou sarun mawul᷊i wuassu runia indi wuṛṛu inaite watukku runian taumata nate. Ana waugu, I'o al᷊imatang kua'en pabbiaṛṛanna buatte nitantangngi mangitou, oh Mawu.

YEREMIA 12:13

Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

DARALO 106:13

Arawe i mangitou lapiddu naabul᷊in inolaannu Mawu wuṛṛu mammanara ringannu tawe maddorongnga tatantiro-Ne.

DARALO 85:4

I'o tate lai masa'u si mangitou; asasa'u-Nu apan wahewalla niapaweleng-Ngu apia.

TAHIUL᷊E 32:31

Seettu Israel masingkatta manungku mallal᷊u'addi mangitou tawe ere Ruata mallu'addu Israel.

DARALO 79:9

Ontol᷊ewe i yami oh Ruata, mananal᷊amatti yami, ampungewe manga rosan kami wuṛṛu pallosaawe i yami maola'a aaddata Si'o sassane.

1 TAWARIKH 16:35

Pasingkata'e, “Oh Ruata mananal᷊amatti yami, liuaawe yami wuassu taṛṛino manga walahanna waine wuṛṛu ammul᷊a'awe apia yami tadea'u yami wotongnge ma'adiangkamanna wuṛṛu maddalo aran-Nu apan susi!”

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

TAHIUL᷊E 28:30

Amungkangngu i yamiu tawe tumuṛṛutta Mawu Ruatanu, manga inolaanna indi sarun maṛṛia'a si yamiu: I yamiu sarun mattatunanga arawe taumata waine ma'awingngu tunanganu udde. I yamiu sarun mapararisikku wal᷊en, arawe tawe atanaanna. I yamiu sarun massuanna waillu anggore, arawe tawe maanna manga wuane.

TAHIUL᷊E 8:19

Imbaṛṛangnga maabulin Mawu Ruatannu wuṛṛu imbaṛṛangnga mabelengnga su manga Mawu waine inai massubba wuṛṛu mattaramawu si mangitou. Allo indi ya'u mapaanaungngi yamiu manungku amungkangu i yamiu ta'e ma'ola'a lai, i yamiu sarun pateannu Mawu.

TAHIUL᷊E 8:14

paarigaite paapia-pia tadea'u i yamiu tawe mabbal᷊i mawunga wuṛṛu maabul᷊in Mawu Ruatanu apan namallossi yamiu wuassu Mesir, su tampa i yamiu mattaṛṛuallanga.

TAHIUL᷊E 8:11

“Pa'ariagai paapia-pia arie ma'oman sara i yamiu ma'abul᷊in Mawu Ruatanu; Imbaṛṛangnga mangadio'a saran sambau wuassu al᷊awo'u tita-Ne apan ta'u nionggola si yamiu allo indi.

TAHIUL᷊E 6:12

paariagai mapia-pia tadea'u imbaṛṛangnga i yamiu maabul᷊in Mawu apan buatte namallosi yamiu wuassu Mesir, su tampa i yamiu niola'a allangnga.

IMAMATTA 26:20

Anambon inasaharannu tawe gunane, ana waugu letangu tawe mangonggolu hessine wuṛṛu manga sasuannu sarun tawe mabbua.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

ZEFANYA 1:13

Darotongngi mangitou sarun aṛṛoanna wuṛṛu manga wal᷊en mangitou sarun ṛimunsaanna. I mangitou sarun mapararisikku wal᷊en, arawe tawe matana'a. I mangitou sarun mabbaillu anggore arawe tawe ma'inumma ua'en anggore.”

HABAKUK 3:18

i ya'u sidutu lulluassa, ana waugu I'o Mawu Ruata mananal᷊ama'u.

AMOS 5:11

I yamiu mangngallanga taumata asiangnga wuṛṛu gandumme niaṛṛon kamiu. Ana waugu udde i yamiu sarun tawe maatana'a sulal᷊ummu manga wal᷊enu apan mapia, apan buatte niapararisikki yamiu udde. I yamiu sarun tawe ma'inumma anggore wuassu manga wawail᷊annu anggore apan nisuanni yamiu.

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.

DARALO 31:2

Ete Si'o i ya'u uasirungnga oh Mawu, arie pabbala'a i ya'u sumassilla. Pasal᷊amataawe i ya'u ana waugu atatul᷊iddu Mawu

DARALO 18:2

I ya'u marangngu Si'o, oh Mawu, Ete I'o atatoha'u.

DARALO 9:17

Mawu buatte napal᷊iatta'u watangan-Ne ana waugu raṛṛawen-Ne apan matul᷊idda. Taumata lal᷊eo nawontolla sulal᷊ummu inolaanne sassane.

YESAYA 17:9

Su allo udde, manga soan Israel apan matohassa lal᷊indumme sarun mabbal᷊i aomboannu wal᷊en nangkaṛṛa'a wuṛṛu mal᷊annabba, ere manga soa apan tinantangngu taumatan Hewi wuṛṛu Amori sutempo i mangitou tinumal᷊angnga wua dingannu taumatan Israel.

YESAYA 18:5

Tantal᷊anna taambe tempon pabbawua, sutempo wungane natontongnga wuṛṛu wuan anggore taambe nal᷊aha su alune, Sudan sarun ṛimunsaannu seetta, ere al᷊uassu lari'a mammototta manga rannan alu anggore.

YESAYA 25:4

Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna

YESAYA 30:29

Arawe i yamiu, umattu Ruata, sarun lumuassa wuṛṛu mangngantari ere su ṛabbi ramean agama. I yamiu sarun lumala'a naal᷊ihidda manga taumata apan u'amatta aopasannu wansi mattuddan Wal᷊en Mawu, mananahekku Israel.

YESAYA 33:2

Oh Mawu, tal᷊antupa'awe i yami. Ete I'o apan pangantimanni yami. Lu'arewe i yami wuassu allo maddatingngu allo wuṛṛu sal᷊amatewe i yami sutempo masuṛṛipitta.

YESAYA 44:8

Pabbawala-U, arie mata'utta ara'e ṛumindu'a; wal᷊inewe ro'en dorone naddatingngu orassa indi i Ya'u buatte nani'attu apa apan mariaddi? Ete i yamiu manga tiala-U. Mallal᷊u'adda waine tawe baddi'a wuṛṛu i Ya'u tawe maaillal᷊a.”

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”

YEREMIA 3:21

Roso su manga puiddu wowone niaringikka tingikku hio; udde tingikku walahannu Israel apan lulluai wuṛṛu mangke sussal᷊ande, ana waugu i mangitou narosate, wuṛṛu naabul᷊ite Mawu Ruata mangitou.

YEHEZKIEL 23:35

Mawu Apan Atanggaṛṛanne nabbisara, “Ana waugu i'o na'abbul᷊ite si Ya'u wuṛṛu tinumal᷊iudda si Ya'u, i'o sarun matataṛṛangnga pangillul᷊eannu apulun badangngu wuṛṛu sasandagu.”

YOEL 1:17

Wualanna nate su leta'a apan mamara. Tate gandumma sahipunanna, ne manga wal᷊ingkakka tate loṛṛone wuṛṛu nabbal᷊i ombon sapadda.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.