YESAYA 16:7 - WUKE SUSI WATTI'U AL᷊AL᷊USASSA

⁷ Ana waugu udde wala'ewe walahannu Moab ualal᷊uaite. Wala'e i mangitou lumuai amungkangngu maanaungnga anna matemangnga apan wiasane iwabbo'o mangitou su soa Kir-Hareset. Wala'e i mangitou maaddio'a naungnga wuṛṛu ma'uare.

YESAYA 16:7 Referans Kwoze

2 MARARATU 3:25

wuṛṛu nanggohakku manga soan mangitou. Suapan wawailanna masuwukka apan nisabbianni mangitou, tuntunganni mangitoun batu. Panginsueanne anambon wawail᷊anna niomboannu watu. Manga taumatan Israel nakkapinga lai manga al᷊imatan kua'e, wuṛṛu nanuwangnga manga aaluanna mabbua. Nallambe tumba'u soa Kir-Hareset inangngu soa Moab. Panginsueanne soa udde lai nipangaloanna wuṛṛu manga taṛṛa ali-ali nanuntungu watu.

YEREMIA 48:20

I mangitou sarun sumimbakka, ‘Moab nanawote wuṛṛu nahelote, ana waugu udde lalluaite si tou. Al᷊iata'e su al᷊o'engngu Sal᷊ukku Arnon manungku Moab naṛṛimunsa'e.’ ”

YESAYA 16:11

Naungku ma'uare wuṛṛu natuno ma'ellega saṛṛen Moab wuṛṛu Kir-Heres.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

1 TAWARIKH 16:3

ana see nattahia anna si mangitou sarangkanambone. Suapan taumata isudde mawae ete esakka aroddi lai wawine naasomba sanduru ṛemessa buatte tinapa, roti wuṛṛu kismis.

1 TAWARIKH 12:40

Wuassu manga ṛuanganna su samba'an sawannakka apan marau eteudde ṛuanganni Isakhar, i Zebulon wuṛṛu i Naftali, taumata pasi ranta uaapiddu keledai, unta, bagal, wuṛṛu sapi apan napene lal᷊uranannu anna: taponna, wuan ara, kismis, anggore wuṛṛu lanan zaitun. I mangitou lai uaapiddu sapi wuṛṛu domba apan pateanna wuṛṛu inasanna. Sarangkanambone udde napal᷊iatta'a manungku aroddi lullala'a tumana'a su ahewallu Israel.

YEREMIA 48:31

Ana waugu udde i Ya'u sarun lumuai ma'ikka-ikkatta si yamiu sarangkanambone wuṛṛu su manga taumatan Kir-Heres, inangngu soanu.