YESAYA 16:2 - WUKE SUSI WATTI'U AL᷊AL᷊USASSA

² Manga taumatan Moab uaṛṛaddo su wiwikku Sal᷊ukku Arnon lapiddu u'amatta niwingone naal᷊ihidda manga manu'u winalanganna apan nilimbuaṛṛanna wuassu sal᷊akke.

YESAYA 16:2 Referans Kwoze

AMSAL 27:8

Taumata apan mannantangngu wal᷊ene, naal᷊ihidda manu'u winalanganna apan nanantangngu sal᷊akke.

MAL᷊AṚṚUUNGNGA 11:18

Wua'udde i mangitou nanassukku amatanne sinumabbi wadda'u anne, arawe tawe sinumabbi Edom wuṛṛu Moab, ewe'e nanganu lal᷊anna namal᷊iwutta na'oman sara na'omate su Moab sambaane ra'i, su samba'an Sal᷊ukku Arnon. I mangitou naddasanna poiaroddi, arawe tawe tinumumbe sal᷊ukka udde, ana waugu leta'a udde ta'e nasutta leta'u taumatan Moab.

YEREMIA 48:20

I mangitou sarun sumimbakka, ‘Moab nanawote wuṛṛu nahelote, ana waugu udde lalluaite si tou. Al᷊iata'e su al᷊o'engngu Sal᷊ukku Arnon manungku Moab naṛṛimunsa'e.’ ”

YESAYA 13:14

Taumata raho apan uatana'a su Babel sarun massal᷊iawukka wuṛṛu tumal᷊angnga su wanuane sambau-sambau. I mangitou naal᷊ihidda rusa apan tinumal᷊angngu matataṛṛiasu, ara'e ammul᷊annu domba apan tawe mallal᷊u'adde.

YOSUA 13:16

Leta'i mangitou udde nasutta Aroër (su winggin wawal᷊annu Sal᷊ukku Arnon) wuṛṛu soa su pattangngannu wawal᷊anna udde ma'oman sara watukku sendekku Medeba;

TAHIUL᷊E 3:12

“Napawe leta'a udde naola'e pussa'ang kite, i ya'u nangonggola su ṛuanganni Ruben wuṛṛu i Gad wageangngu leta'a su samba'an sawannaku soan Aroër maranin Sal᷊ukku Arnon, wuṛṛu sambageanganna wuassu leta'u wuiddu Gilead nasutta lai manga soane.

TAHIUL᷊E 3:8

Su tempo udde i ite nanganu wuassu ruang katou ratun Amori udde leta'a su samba'a da'in Sal᷊ukku Yordan wuṛṛu Sal᷊ukku Arnon maddatingngu Wowon Hermon.

TAHIUL᷊E 2:36

Ringannu tul᷊ungannu Mawu, i ite wotongnge naapangaṛṛo anambon soa udde, manatakka wuassu Aroër, su pentakku Wawal᷊annu Arnon, wuṛṛu soa su pattangngannu wawal᷊anna udde, maddatingngu wageangngu leta'u Gilead. Tawe soa apan darandungnge matohassa si ite.

REENGANNA 21:29

Ore walahannu Moab, i'o nasilakate! Matataṛṛamawu si Kamos, i'o matete! I'o niwalan mongannu mabbal᷊i tumatal᷊angnga, manga wawinenu mabbal᷊i taumata nisamettu ratun Amori.

2 MARARATU 3:4

I Ratu Mesa wuassu Moab uatahuanna pamamadul᷊iananna domba. Maola'a sambau wose su taumatan Israel, suapan tonna i tou nangonggolu 100.000 ana'u domba esakka.

AMSAL 26:2

Naal᷊ihidda manu'u winalanganna tuttalla'a wuṛṛu mannalangnga su winalanganna, aroddi lai wawontoga tawe maṛṛino su taumata apan tawe sal᷊ane.

YEREMIA 48:9

Re'eta'e watun labbingngu Moab, ana waugu tate mal᷊annu lai wanua udde sarun ṛimunsaanna. Manga soane sarun mahohakka wuṛṛu tate saran sangkatou apan uatana'a poiaroddi.”

YEREMIA 48:46

Nasilakate Moab! Tumanangne apan massubba si Monganna Kamos buatte nipate, wuṛṛu al᷊aṛṛana'i mangitou niṛṛootta maola'a tawananna.