YESAYA 14:29 - WUKE SUSI WATTI'U AL᷊AL᷊USASSA

²⁹ Ei walahannu Filistin, pal᷊o-pal᷊o apan ipappaatta ipamuulla si'o napaddite. Arawe arie i'o lumuassa, ana waugu amungkangngu atoanna sambau nate, atoanna apan nangillembon al᷊eoanne lai rumanta mallol᷊ossa si tou, wuṛṛu tallukku atoanna mangngissa'u naga pia papaidde.

YESAYA 14:29 Referans Kwoze

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

YESAYA 11:8

Ewe'e lai sangkatou ana'a addio'a sarun tawe maasomba angngone napawe mannalangnga suadio'a ringannu atoanna mawisa.

2 TAWARIKH 26:6

Uzia napapangalo nando'appa taumatan Filistin. I tou nanggohakku manga tanda'u watu su soa Gat, Yabne, wuṛṛu Asdod, ana see napararisikku manga soa pia tatandange watu maranin Asdod wuṛṛu su wageangnge waine su Filistin.

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

MIKHA 7:8

Tawe pinangiananne su manga seetti ite lumuassu asasuasan kite. Ana waugu salaiwe i ite nanawo, i ite sarun mabbangunna apia. Orassa indi uatana'a sulal᷊ummu ararandumma, arawe Mawu sarun manualaga si ite.

OBAJA 1:12

Tawe su lal᷊anne i'o lumuassu asasusan Yehuda wuṛṛu lumala'a su allo tuṛṛangngu udde nate. Tawe su ṛinone i'o mattal᷊imoṛṛonganna sutempo i tou massussa.

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!

YEHEZKIEL 35:15

ere lai i yamiu mal᷊uassa sutempo maasilo Israel passa'a-U, nabbal᷊i mal᷊annabba. Manga wowon Seir, ewe'e lai ahewallu leta'u Edom sarun mabbal᷊i mal᷊annabba. Ne anambon taumata sarun maasingkatta manungku ete i Ya'u Mawu.’ ”

YEHEZKIEL 26:2

“Ei taumata apan mattate, tumana'u Tirus buatte naggio lapiddu mabbisara, ‘Yerusalem naṛṛimunsa'e! Auatanne sulal᷊ummu madagangnga nawul᷊ite! I tou tate maola'a ro'appi ite lai!’ ”

AMSAL 24:17

Ariewe lumuassa amungkangngu seennu masilaka, wuṛṛu arie lumala'a amungkangngu i tou manawo.

2 TAWARIKH 28:18

Sutempo udde lai manga taumatan Filistin tantal᷊anna mammangalo manga soa su wageangngu wawal᷊annu wowone samba'a waṛṛatta, wuṛṛu su wageangngu samba'a timukku Yehuda. I mangitou napangaṛṛo soa Bet-Semes, Ayalon wuṛṛu Gederot, see lai soa Sokho, Timna, wuṛṛu Gomzo see lai ampungnga ual᷊indongannu soa tatallu udde ana see namanuate isudde.

2 MARARATU 18:8

I tou namaddon taumatan Filistin, wuṛṛu nangaṛṛo tampa atatanaanni mangitou, wuassu ampunga addio'anne maddatingu soa apan ahewal᷊anne, nasutta Gaza wuṛṛu wageangngu leta'a uapal᷊iwutta udde.

YOSUA 13:3

wuṛṛu ahewallu leta'u Awi watukku timukka. (Wageanga wuassu Sal᷊ukku Sikhor su passarannu Mesir ma'oman sara passarannu Ekron su samba'an sawannakka, sarangkanambone udde nareengnga wageangngu leta'u walahannu Kanaan; wuṛṛu manga ratun Filistin uatana'a su Gaza, Asdod, Askelon, Gad wuṛṛu Ekron).

REENGANNA 21:8

Ana see Mawu nandolokki Musa niapal᷊anginnu sambau atoanna wuassu atta'a wuṛṛu niaddo su sambau pati'anna. Suapan taumata apan nipul᷊issu atoanna, sarun mapia amungkangngu maasilo atoanna wuassu atta'a udde.

YESAYA 2:6

Oh Ruata, I'o nanantangken uman-Nu, papapulunni Yakub! Ana waugu su al᷊awo'u tampa su wanua indi taumata mappaattu daroa apan darantane wuassu ra'i wuṛṛu wuassu Filistin. Manga taumata mattanno inanaramannu taumata raho.

YESAYA 11:14

I mangitou suadio'a sarun mamangalo taumatan Filistin su waṛṛatta wuṛṛu mangaṛṛo pabbawalage su ra'i. I mangitou sarun mamaddon walahannu Edom wuṛṛu Moab, wuṛṛu walahannu Amon sarun massuṛṛubbawa si mangitou.

YESAYA 14:31

Lalluaite, wuṛṛu pangintul᷊ite pa'iontolla, ei manga soan Filistin! Ṛinone i yamiu sarangkanambone maggion atata'utta! Winabbawa awu sussal᷊oi wuassu sawannakka mammasingkattu darantan seetta; tawe taumata matal᷊o suwallatti mangitou.

YEREMIA 47:1

Tantal᷊anna ratu Mesir taambe namangalo Gaza, Mawu nabbisara si ya'u su ola'u wanua Filistin.

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

YEHEZKIEL 25:15

Mawu Apan Atanggaṛṛanne nabbisara, “Manga taumatan Filistin buatte nabbal᷊issa al᷊al᷊eo naungnga ringannu maṛṛagissa su saruannu seetti mangitou apan mal᷊annute wuṛṛu namate si mangitou ringannu napenen araratinna.

YOEL 3:4

Uranni yamiu i Ya'u indi, ei Tirus, Sidon wuṛṛu al᷊awo'u wageangngu leta'u Filistin? Mappuluwe i'o mabbal᷊issa naungngu lal᷊eo si Ya'u? Ne, panengkampe wawal᷊i-U apan rumanta ringannu mal᷊ihakka.

AMOS 1:6

Mawu nabbisara, “Tumana'u Gaza masokkate ma'ola'a rosa, ana waugu udde i Ya'u sarunmakkuumanni mangitou. I mangitou buatte naṛṛuwo sambau walahanna sarangkanambone, ana see niwal᷊u'a maola'a allangnga su taumatan Edom.

AMOS 1:8

Tumanangnge wuṛṛu tembonannu soa Asdod see Askelon sarun Ta'u wambanganna. Soa Ekron sarun Ta'u ittuumanna, wuṛṛu anambon lamben taumatan Filistin sarun Ta'u pateanna.”

ZEFANYA 2:4

Su soa Gaza tawe saran sangkatou apan sarun iapaasal᷊amatta. Askelon sarun mal᷊annabba tawe mamanuane. Tumana'u Asdod sarun limbuaṛṛanna sulal᷊ummu sambau pangalo ipamaṛṛindu'a su allattune see tumana'u Ekron irolokka iapasal᷊iu wuassu soan mangitou.

ZEFANYA 2:5

Niawontohante i yamiu, ei taumatan Filistin, walahanna apan uatana'a su al᷊o'engngu apanne. Mawu buatte nanantunnu ṛuumanna si'o. I tou sarun mamate si yamiu, tawe saran sangkatou wuassi yamiu apan maatal᷊angnga.

ZAKARIA 9:5

Soa Askelon wuṛṛu Gaza sarun maasilo si Tou wuṛṛu mabbal᷊i mata'utta. Ekron sarun maasilo si Tou lai wuṛṛu sarun awul᷊iannu al᷊awo'u pangangantimme. Gaza sarun awul᷊iannu ratunne, wuṛṛu Askelon sarun mabbal᷊i mal᷊annabba tawe tumatanangnge.