YESAYA 14:27 - WUKE SUSI WATTI'U AL᷊AL᷊USASSA

²⁷ Mawu Apan Lembontaṛṛino buatte nakkawessa ma'ola'a ereudde, i tou nani'akke pulal᷊an-Ne ipakkuumanna, wuṛṛu taweddu sarang sangkatou wotongnge maasingaddi Tou.

YESAYA 14:27 Referans Kwoze

YESAYA 43:13

saran mal᷊annu-l᷊annu i Ya'u sidutu Ruata. Taweddu mal᷊iu wuassu taṛṛino-U, ara'e manal᷊are ṛiing-Ku.”

AYUB 23:13

Ruata udde tawe mawal᷊u, taweddu maal᷊awangnga si Tou. I Tou ma'ola'a sarangkanambone apan ipaapulu-Ne.

2 TAWARIKH 20:6

wuṛṛu inumal᷊iomanna ringannu tingikka ma'ikkatta, “Oh Mawu, Ruatan al᷊amonan kami! I'o Ruata su surga wuṛṛu uaparenta anambon walahanna su runia. I'o mataṛṛino wuṛṛu matohassa; tawe saran sangkatou apan wotongnge lumawangnga Si'o.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

AYUB 9:12

Amungkangngu i Tou mangaṛṛo, isai wotongnge maningaddi Tou? ara'e waṛṛani maiwal᷊o si Tou, ‘Ei, I'o tantal᷊anna ma'ola'a apa?’

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

DARALO 33:11

Arawe ṛiinnu Mawu sidutu ta'e aroddi, apan niatokke uata'a su al᷊o'engngu tempo.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

YEREMIA 4:28

Runia sarun lumal᷊o, langitta ete wasa tuudda. Mawu buatte nabbisara wuṛṛu tate mamal᷊u hol᷊a-Ge. I tou buatte namutussa wuṛṛu tate sumoṛṛotta sara sangkal᷊empanga.

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

YESAYA 23:9

Mawu Apan Lembontaṛṛino, ete i Tou apan makkawessa wuṛṛu manguddussu awawungan tumanangnge su anambon hessi manara apan buatte niola'i mangitou, wuṛṛu namawo manga taumata apan aaddatanna su runia.

AYUB 40:8

Apa i ya'u massinaaddu atatul᷊i-U, wuṛṛu mapaaṛṛinon watangannu ringannu mapasal᷊a-U?

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

YEREMIA 51:59

Mandariaga si Ratu Zedekia eteudde i Seraya ana'i Neria pulunni Mahseya. Su tonna aiappanne i Zedekia naola'a ratun Yehuda, i Seraya tinumantalongnga si Zedekia watukku Babel. Ne i ya'u nangonggolla si tou sambau manara.

YEREMIA 44:28

Tumaba'u manga pira taumata apan sarun masal᷊amatta wuṛṛu mabbelengnga su Yehuda wuassu Mesir. Ne anambon taumatan Yehuda apan su Mesir sarun maasilo tanne wisara mangitou ara'e wisara-U apan matualaga.

YEREMIA 49:20

Ana waugu udde, paddaringikke apa apan buatte Ta'u nihol᷊aga su saruannu taumatan Edom, wuṛṛu apa apan Ta'u olaanna su saruannu tumana'u soan Teman. Al᷊aṛṛana'i mangitou sarun iapidda inai, wuṛṛu anambon taumata mangngiladdu atata'utta.

YEHEZKIEL 26:14

Apan Ta'u itantangnga tumba'u sambau watu apan lol᷊okka, tampa manga samakka mammatin soma mangitou. Soa udde ta'e iapararisikka apia. I Ya'u, Mawu Apan Atanggaṛṛanne buatte nabbisara.”

AYUB 11:10

Amungkangngu i Tou manametta wuṛṛu i'o iapidda su mallaṛṛuung-Nge, ne isai waṛṛani manal᷊are inolaan-Ne?

YESAYA 8:10

Panngol᷊age, arawe sarangkanambone tawe maola'a. Pakkawesse, arawe tawe gunane, ana waugu Ruata uaṛundinganna si yami.