YESAYA 14:20 - WUKE SUSI WATTI'U AL᷊AL᷊USASSA

²⁰ I'o buatte naminasa wanuanu wuṛṛu namate pabbawalagu sassane. Ana waugu udde i'o sarun tawe ilabbingnga ere manga ratu waine. Tawe saran sangkatou wuassu walahannu apan dal᷊eo udde sarun iapaasal᷊amatta.

YESAYA 14:20 Referans Kwoze

DARALO 21:10

I Tou nirumanta naal᷊ihidda putungnga lukkenggama ipamate si mangitou. I mangitou sarun pateannu asasa'un Mawu, wuṛṛu ringannu putungnga apan maa'epodda.

AYUB 18:19

Ana'a wuṛṛu papapulunna i tou tawe uatahuanna, su ampungnga niasungkanganne saran sangkatou taweddu nallambe.

DARALO 109:13

Wala'e anambon papapulunne ṛaddaanna, wuṛṛu aranne timbul᷊ianannu pal᷊awanna manansunna.

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

AYUB 18:16

Manga ṛamunne namara wuṛṛu naal᷊umpissa; manga rannane naṛṛangu wuṛṛu naaṛṛiunnudda.

MANNANASE 6:3

Salaiwe sangkatou pia ana'a maṛṛasutta su atoune wuṛṛu nabbiakka mal᷊annu na'oman sara naal᷊al᷊appa uukka matanggakka, arawe amungkangngu i tou tawe naapendamma al᷊al᷊uassa wuṛṛu tawe naasomba tampa pallabbinganne apan su ṛinone, ne tumuṛṛuttu addapa'u, ana'a apan niasungkangnga see nate pal᷊addu pabbiaṛṛanne ta'emappianne wuassu taumata udde.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

YESAYA 31:2

Mawu pande wuṛṛu masingkattu inolaan-Ne. I Tou mandatan asasilaka wuṛṛu mammansaga makkuumannu taumata lal᷊eo wuṛṛu manga taumata apan mantul᷊ungngi mangitou.

2 MARARATU 9:35

Arawe su tempo manga taumata inai mangal᷊appa winal᷊unanne ilabbinga, i mangitou naasomba tanggilal᷊ane, wuṛṛu manga duṛṛi ta'iakka wuṛṛu leddane.

AYUB 18:17

I tou tate tinumelengnga lai sulal᷊umme ara'e su liuddu soa; tate saran sangkatou apan maanaungnga aranne.