YESAYA 14:19 - WUKE SUSI WATTI'U AL᷊AL᷊USASSA

¹⁹ arawe i'o tawe lal᷊abbinganne; winal᷊unannu niramme ere solla apan nitol᷊a'a, niomboannu manga winal᷊unannu pejuangnga apan nate sulal᷊ummu pangalo, wuṛṛu niramme suaddio'i ṛuanganni mangitou watukku liangnga watu, naal᷊ihidda winal᷊unanna apan lakkindanna.

YESAYA 14:19 Referans Kwoze

YEREMIA 41:9

Parṛṛihi udde paṛṛihi mal᷊oangnga apan niola'i Ratu Asa sutempo i tou nipangaloanni Baesa ratun Israel.

YEREMIA 41:7

Tawe nal᷊annu napawe i mangitou na'omate su tangngan soa, i Ismael wuṛṛu manga taumatane mammatete si mangitou. Arawe siri mapul᷊o suwallatti mangitou nabbisara si Ismael, “Arie pappate i yami! I yami ta'e uatahuanna darua hatin gandumma, see lai lanan zaitun, wuṛṛu pul᷊a. Sarangkanambone nuwuning kami su liddu soa.” Ana waugu udde i Ismael tawe namate si mangitou, arawe ingana'a waine nipatene wuṛṛu winal᷊unanni mangitou nilombo su paṛṛihi.

YEREMIA 22:19

Yoyakim sarun wol᷊enganna wuṛṛu iramme su liuddu ngara pasallanaannu su Yerusalem, ere buatte niola'u taumata su winal᷊unannu keledai.”

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

2 MARARATU 9:25

Ana see i Yehu nabbisara si Bidkar mandariagane, “Apa i'o ta'e ma'anaungnga, sutempo i ite uasa'e awal᷊o uatantalonga si Ahab, iamangi Yoram? Sutempo udde Mawu nabbisara si Ahab, ‘I ya'u masingkata isai namate si Nabot wuṛṛu manga allange aṛṛabbi, wuṛṛu i Ya'u maddiandi sarun makkuumannu su wailla indi lai.’ ” “Ana waugu udde,” unni Yehu nanassukku wisarane su mandariagane udde, “Lomboa'e winal᷊unanni Yoram udde su wailli Nabot, tadea'u ṛuumannu Mawu Ruata iapamatta si tou.”

1 MARARATU 21:24

Isai-isai wuassu lal᷊oṛṛon amonannu apan mate su soa sarun inasannu asu, wuṛṛu apan nate su liuddu soa sarun inasannu manu'u winalanganna.”

1 MARARATU 21:19

wuṛṛu wal᷊oa'a si tou manungku i Ya'u, Mawu, nabbisara arendi, ‘Buatte namate, mangaṛṛo lai! Ana waugu udde daṛṛanu sarun lewanu asu su tampan manga asu apan nallewa daṛṛan Nabot!’ ”

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YESAYA 13:15

Isai-sai apan asametanna sarun usu'anna sara iapate.

YESAYA 14:18

Anambon lanna'u ratun manga nilabbingnga ringannu awawantuga su lal᷊abbingannu sambau-sambau,

YESAYA 34:3

Manga winal᷊unanni mangitou sarun tawe ilabbinga, arawe iwalate aroddi mawukku'a wuṛṛu mahal᷊uru. Manga wowone sarun masa'u ana waugu nielleṛṛannu daṛṛa mangitou.

YEREMIA 51:4

I mangitou sarun mal᷊essa wahewalla wuṛṛu nate su manga lal᷊annu soan mangitou.

YEHEZKIEL 32:27

I mangitou tawe nilabbingnga ringannu mawantuga ere pahlawanna sutempo dorone apan sinumossokka su runian taumata nate ringannu ahidda nasuungnga. Manga pahlawanna udde nilabbinga ringannu hal᷊ele aillul᷊unanna wuṛṛu allungnga uarandanga su ro'o Sutempo ta'e wiakka, manga pahlawanna udde matohassa na'oman sara mammata'utta al᷊awo'u taumata.