YESAYA 13:18 - WUKE SUSI WATTI'U AL᷊AL᷊USASSA

¹⁸ Ringannu al᷊ati'anna wuṛṛu anaanne i mangitou sarun mamate manga taumata saṛṛen tumuwo. I mangitou tawe umakkannu ana'a maṛṛamutta wuṛṛu tawe tumal᷊antuppu dario'a.

YESAYA 13:18 Referans Kwoze

2 MARARATU 8:12

“Anio i Tuanga nilumuai?” aiwal᷊on Hazael. “Ana waugu i ya'u masingkattu al᷊al᷊eo apan niolangu su saruannu taumatan Israel,” unni Elisa. “I'o sarun manoṛṛobba manga soane apan pia tatandange watu, mamate manga taumata saṛentumuwo apan apianne, wuṛṛu mangattonga manga al᷊aṛana'a maradio'a see mama'a tiannu manga wawine apan pia illoṛṛo.”

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

YESAYA 13:16

I mangitou sarun mabbiala ana'i mangitou ta'e maṛṛamutta ṛimunsaanna, manga wal᷊e mangitou anuanna wuṛṛu manga awingnge laṛṛampasanna.”

NAHUM 3:10

Salaiwe aroddi, tumana'u Tebe niatawanna wuṛṛu niṛṛuwo watukku pamamuanganna. Su anambon pappenganne, manga anangnge nipuulla na'oman sara nate. Manga tembonanne niṛṛapussu ṛate wuṛṛu nitahia sisai apan naasametta.

NAHUM 2:1

Ei Niniwe, paddaringikka! Apan sarun manggohakka si'o nirumantate! Riagaite manga tanda'a watu pattillummanna! Lu'arete lalanna! Pandiahite mapapangalo. (

DARALO 127:3

Manga ana'a uddewe aonggollu Ruata, mangke atonna i mangitou uddewe al᷊amatta.

YESAYA 5:28

Anaanne maṛṛoro wuṛṛu al᷊ati'anne nasaddiate mamiti'a. Anu'un awal᷊one aatikke ere watu putungnga, wuṛṛu bolan keretane tuttal᷊inggi ere anginna al᷊isusu.

YESAYA 47:9

Arawe tumba'u sangkaṛṛondapa, sulal᷊ummu allo massallo, hatto darua udde sarun mariaddi maṛṛindo'a. Salaiwe i'o mappaattu wal᷊i'imata wuṛṛu laṛṛopa, awingngu esakka wuṛṛu anangungu insueanna lai.

YEREMIA 5:16

wuṛṛu manga taṛṛa piti'i mangitou waṛṛani wuṛṛu matohassa; i mangitou mammate tawe aakkanne.

YEREMIA 6:23

Ahiddi mangitou ana'anna wuṛṛu sambeangnga; i mangitou maṛṛagissa wuṛṛu wagga mangonggollu ampungnga. Ere tingikku tahal᷊oangnga apan mattandi'a etearoddi tingikku lal᷊empangngu awal᷊o mangitou apan tantal᷊anna iappatal᷊angnga inai mamangalo Yerusalem.”

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YEREMIA 50:30

Su allo udde manga saṛṛentumuwone sarun mate su manga lal᷊annu soane, wuṛṛu anambon tantarane ṛimunsaanna. I Ya'u, Mawu, buatte nabbisara.

YEREMIA 50:42

Ahiddi mangitou anaanna wuṛṛu tambakka; i mangitou maṛṛagissa wuṛṛu wagga mangampungnga. Ere tingikku tahal᷊oangnga mattandi'a aroddi lai tingikku lempangngu awal᷊o i mangitou apan tantal᷊anna sassasanna inai mamangalo Babel.

YEREMIA 51:22

I'o Ta'u ipaatta ipamate esakka wuṛṛu wawine, timmadde aroddi lai dario'a, maṛṛuala wuṛṛu umbasanna.

DANIEL 7:5

Winatangnga aruane lihidde ere beruangnga. I tou uarisikka su ledda ne su liudde, wuṛṛu uaapiddu tallun paddi duṛṛin rusu'a suwallattu manga isine. I ya'u naaringikka tingikka nabbisara si tou, “Otte, inasse ṛemessa anambone suapawe ipaapulunu!”