YESAYA 13:13 - WUKE SUSI WATTI'U AL᷊AL᷊USASSA

¹³ Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 13:13 Referans Kwoze

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

LAL᷊ALLU 1:12

“Ei manga taumata apan niumamatta su lal᷊anna, pa'ellege wuṛṛu panutukke! Piawe asasusa apan ahewalle ere papasannanangku orassa indi, asasusa apan niṛṛia'u Mawu si ya'u, ana waugu asasa'u-Ne apan tumatine nilumambalanna udde?

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YESAYA 34:4

Matannallo, wul᷊anna wuṛṛu manga anumpitanna sarun maṛṛimunsa'a. Langitta sarun lul᷊unanna ere lul᷊unnu suratta. Manga anumpitanna sarun manawo ere manga rongnga apan natontongnga wuassu alune.

AYUB 9:6

Ruata nandiaddi linukka na'oman sara runia niumio'a, wuṛṛu diṛṛi uatumpilla runia niumal᷊ore,

DARALO 18:7

Sulal᷊ummu asasusa'u i ya'u ma'ial᷊are Si'o Mawu, i ya'u uui Ruata'u maddorongnga aontola. Wuassu Wal᷊en-Ne i Tou naddaringikka tingi'u wuṛṛu uararingikka darorongku.

DARALO 88:16

Ro'en ta'e dario'a i ya'u su asasusa wuṛṛu lal᷊ingeannu papate, i ya'u uasal᷊arenga uapasanna ṛuuman-Nu.

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

YESAYA 9:19

Su ahewallu wanua udde taumata maṛṛanggotta wuṛṛu u'anna wiakka apan botongnge iwo'o, arawe tawe maapendamma mal᷊aidda. Ewe'e i mangitou u'inassa manga hawe mangitou sassane!

YESAYA 23:11

Mawu buatte namataddu lima-Ne su wowon tahal᷊oangnga wuṛṛu namilingngu manga araratuanna. I tou namarenta tadea'u manga tanda batun Funisia iapahohakka.

YESAYA 24:1

Mawu sarun mapaawinasan dunia, ma'oman sara mal᷊ol᷊okka wuṛṛu mal᷊annabba. I Tou sarun mangal᷊isangu wowon dunia wuṛṛu manal᷊iawukku tumanangnge.

YESAYA 24:18

Taumata apan tumal᷊angngu watanganne wuassu pagahahio udde sarun umul᷊ussa sulal᷊ummu sedda, wuṛṛu taumata apan mal᷊iu wuassu sedda sarun asongnganna. Uranna masaddatta sarun mawambinna wuassu langitta, wuṛṛu rapappakku runia sarun umio'a.

YESAYA 24:19

Runia nawa'a, napussa'a wuṛṛu niumio'a.

YESAYA 21:1

Eteindi tanata su ola'u Babel: Naal᷊ihidda anginna al᷊isusu sussal᷊induṛṛunga sussabbi wadda'u anne, etearoddi darantane silaka wuassu wanua apan ma'ata'utta.

YESAYA 47:1

Mawu nabbisara, “Ei, Babel, lintukke wuassu adderan araratuannu, wuṛṛu a'iante su awu. I'o tate mamunga wuṛṛu maṛṛamaga ere dorone.

YEREMIA 51:1

Mawu nabbisara, “I Ya'u sarun mandolokku anginna daromba apan tumiuppa watukku Babel wuṛṛu ringannu tumanange.