YESAYA 12:4 - WUKE SUSI WATTI'U AL᷊AL᷊USASSA

⁴ Sarun a'omanna tempone i yamiu mabbisara, “Pa'adiangkamante su Mawu, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

YESAYA 12:4 Referans Kwoze

DARALO 105:1

Paadiangkamante su Mawu, pasingkata'e awawantu-Ge, wattia'e inolaan-Ne su manga walahanna.

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

YEREMIA 50:2

“Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

DARALO 57:5

I ya'u nipangaloannu seetta, i mangitou naal᷊ihidda singa u'inassa taumata. Isin mangitou naal᷊ihidda tambakka wuṛṛu anaanna, lilan mangitou naal᷊ihidda hal᷊ele maṛṛoro.

DARALO 18:46

Awawaṛṛanin mangitou nawul᷊ite; i mangitou mangngiladda wuṛṛu sinumabbanga wuassu tanda'a watun mangitou.

NEHEMIA 9:5

Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

SASABANGNGA 33:19

Sasimbakku Mawu, “I Ya'u sarun sumabbi ringannu al᷊awo'u awawantu-U su saruannu, lapiddu managgon arang-Ku apan susi. Ete i Ya'u Mawu, wuṛṛu i Ya'u mapal᷊iatta'u darangngun naungnga wuṛṛu aakkanna su manga taumata apan Ta'u nipile.

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YESAYA 33:5

Mawu tumanite mawantuga; i Tou uataṛṛino al᷊awo'a. I Tou sarun manduittu tita wuṛṛu atatul᷊idda su Yerusalem

YESAYA 24:15

wuṛṛu taumata su samba'a ra'i maddalo si Tou. Tumana'u winggin sahatta sarun maddalo Mawu, Ruatan Israel.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 2:17

Taumata mawunga sarun iapawawo, wuṛṛu taumata matanggakka iapasuṛṛubbawa. Tumba'u Mawu sassane apan wantuhanna.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

DARALO 113:5

Isai ere Mawu Ruatan kite? I Tou ua'ianna su tampa apan matanggakka.

DARALO 107:22

Wala'e i mangitou maadiangkamanna ringannu uaapiddu sasamba, wuṛṛu mabbatti'u inolaan-Ne ringannu manga aantarin lal᷊uassa.

DARALO 97:9

Ana waugu I'o, oh Mawu, tembonannu ahewallu runia; I'o mawantuga nangillembo wuassu al᷊awo'u monganna.

DARALO 96:3

Wattia'e awawantu-Ge su manga walahanna, wuṛṛu manga inolaan-Ne apan matohassa su umattu taumata.

DARALO 73:28

Arawe si ya'u tumaniten mapia maranin Duata, Mawu Ruata ta'u niola'a tampa pattillummangku, tadea'u i ya'u wotongnge mamasingkattu al᷊awo'u inolaan-Ne.

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

DARALO 40:5

Lal᷊umanna'a su taumata apan mangngimanna Mawu, apan tawe tinumantalonga massubba manga monganna, ara'e maiontolla su taumata mawunga.

DARALO 34:3

I ya'u ṛinone lumuassa ana waugu inolaannu Mawu; antimanna taumata massusa maaringikka udde wuṛṛu lumuassa.

DARALO 22:31

Papapulunna manansunna sarun mattaṛṛamawu Mawu, i Tou sarun iwatti'a su pallal᷊awanna see lai papapulunna.

DARALO 21:13

I Tou sarun mamiti'u anaan-Ne, na'oman sara i mangitou mabbelengnga wuṛṛu tumal᷊angnga.

DARALO 9:11

Taumata apan maailal᷊a Si'o uaantimma Si'o, oh Mawu, taumata apan massubba Si'o sarun tawe itantang-Ngu.

1 TAWARIKH 16:8

Paadiangkamante su Mawu, pasingkata'e awawantu-Ge, wattia'e manara-Ne suwallattu manga walahanna.

DARALO 148:13

Mappianne i mangitou sarangkanambone maddalo Mawu, ana waugu aran-Ne mabbantuhanna wuassu al᷊awo'u aranna; awawantu-Ge uasampal᷊iu langitta wuṛṛu runia.

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

YESAYA 42:12

Mappianne i mangitou mamantuga Mawu, wuṛṛu mamasingkatti Tou su manga wanua marau.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!