YESAYA 11:15 - WUKE SUSI WATTI'U AL᷊AL᷊USASSA

¹⁵ Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YESAYA 11:15 Referans Kwoze

ZAKARIA 10:11

Napawe i mangitou tumumbe tahal᷊oangngu asasusa, i Ya'u, Mawu sarun mamuulla manga lua'a; ne ṛanassu Sal᷊ukku Nil mabbali mamara-mara. Walahannu Asyur apan mawunga sarun iapawawo, wuṛṛu Mesir apan matohassa sarun iapawul᷊i taṛṛinone.

SONDAPPA 16:12

Napawe wua'udde mala'ekatta aiannume nallal᷊innu lal᷊oṛṛon cawanne watukku Sal᷊ukku Efrat apan wahewalla udde. Ne sal᷊ukka udde namara na'oman sara manga ratu wuassu samba'an ra'i wotongnge sumabbi umamatta.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YESAYA 19:16

Sarun a'omanna tempone walahannu Mesir maola'a ere wawine apan matal᷊o wuṛṛu matta'utta. I mangitou mangngiladdu atata'utta maasilo Mawu Apan Lembontaṛṛino mamatten lima-Ne makkuumanni mangitou.

YEHEZKIEL 30:12

I Ya'u sarun mapaamaran Sal᷊ukku Nil wuṛṛu manantillu ahewallu Mesir su manga taumata lal᷊eo. Manga taumata raho sarun Ta'u irolokka iapaṛṛimunsa'a wanua udde. I Ya'u, Mawu, buatte nabbisara.”

YEHEZKIEL 29:10

ne i Ya'u naola'e seennu, wuṛṛu seettu Sal᷊ukku Nil pussa'anu. Ahewallu Mesir sarun Ta'u olaanna leta'a apan mal᷊annabba manattakka wuassu soa Migdol su sawannakka maddatingngu soa Aswan su timukka, ma'oman sara passarannu Sudan.

YESAYA 7:20

Mawu sarun manewa ratun Asyur tadea'u ma'ola'a Israel naal᷊ihidda sangkatou taṛṛa pol᷊o apan mallunggukka anambon uta'a wuṛṛu waṛṛabbissu awa'a.

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

SASABANGNGA 14:29

Arawe su tempo taumatan Israel malliu tahal᷊oangnga, i mangitou u'amatta su wantane apan mamara, wuṛṛu ua'e naola'a darandungnga su aikkatanna wuṛṛu su aiṛṛine.

YESAYA 8:7

Ana waugu udde i Ya'u, Mawu, sarun maparantan ratun Asyur wuṛṛu anambon tantarane mapapangalo Yehuda. I mangitou sarun lumempangnga ere Sal᷊ukku Efrat apan mattaṛṛatompe'a wuṛṛu mangngelekka su manga rampinne.

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

SASABANGNGA 14:22

Ua'e natahia darua, wuṛṛu taumatan Israel tinumumbete tahal᷊oangnga, i mangitou u'amatta su wantane apan mamara, wuṛṛu ua'e su aikatanna wuṛṛu aiṛṛi naal᷊ihidda darandungnga.