YESAYA 10:34 - WUKE SUSI WATTI'U AL᷊AL᷊USASSA

³⁴ Mawu sarun mapaaṛṛa'a mangitou naal᷊ihidda punnu alu su tangnga mahurangnge tuwangannu wal᷊iungnga. Salaiwe i mangitou matohassa naal᷊ihidda alu apan atohasanne su Libanon, i mangitou sarun maṛṛa'a lai!

YESAYA 10:34 Referans Kwoze

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

SONDAPPA 18:21

Napawe wua'udde, sangkatou mala'ekatta apan matohassa namengketa sambau watu – ere ahewallu watung gahilinganna apan wahewalla – see tinuntunga watukku tahal᷊oangnga lapiddu nabbisara, “Arendi olangnge soam Babel apan tinumelengke udde sarun iramme ringannu ma'ikkatta ma'oman sara tate asombanganna apia.

SONDAPPA 10:1

See i ya'u naasilo sangkatou mala'ekatta matohassa waine sinumossoka wuassu surga. I tou papi'unannu winabbawa wuṛṛu sambua randipakka arak naggial᷊o uapal᷊iwutta su puane. Hatine lullansiangnga naal᷊ihida matannallo, wuṛṛu leddane naal᷊ihidda pal᷊iaṛṛanu putungnga.

2 PETRUS 2:11

Arawe manga mala'ekatta apan mattohasanna marau wuṛṛu lembon taṛṛino wuassu manga huru awusu udde, tawe mangansila manga riadianna apan mawantuga udde ringannu wisara aal᷊uandaga su saruannu Mawu.

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

NAHUM 1:12

Ne unnu Mawu su Israel, uman-Ne, “Salaiwe manga taumatan Asyur udde matohassa see manambo reenganne, arawe i mangitou sarun ṛimunsaanna see mawul᷊i. Ei walahang-Ku, i Ya'u buatte na'ola'a si yamiu uatataṛṛangnga, arawe i Ya'u tate ma'ola'a apia.

DANIEL 4:23

Tuangku naasilo lai sangkatou mala'ekatta nonto'a wuassu surga lapiddu nabbisara, ‘Tuwangke alu indi wuṛṛu rimunsa'e, arawe wala'e tuide matantangnga sulal᷊ummu leta'a. Wa'isse ringannu ṛate atta'a wuṛṛu witu'a wua'udde tantangnga'e su wadda'u nannal᷊o. Wale'e i tou maṛṛolon anggukka wuṛṛu mabbiakka suadio'a ringanna manga winatangnga al᷊annune pitu tonna.’

YEREMIA 48:2

nawul᷊ite awawunga Moab. Seetta napangaṛṛote Hesybon wuṛṛu poiaroddi i mangitou manggol᷊aga manginsue anambon balahannu Moab. Manga tingikka su soa Madmen sarun iapataalla, ana waugu soa udde sarun pangaloannu tantara.

YEREMIA 22:7

Sarun Ta'u irolokka taumata iapahohakku udde. I mangitou sarun mangapiddu wal᷊iungnga wuṛṛu maṛṛa'an manga diṛṛine apan maṛṛansanga apan niola'a wuassu alu cemaran Libanon. Wua'udde i mangitou sarun mallombo su putungnga.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 31:8

Asyur sarun ṛaddaanna sulal᷊ummu pangalo, arawe wal᷊ine ringannu auatannu taumata. Taumatan Asyur sarun tumal᷊angnga wuassu papangaloanna, wuṛṛu manga umbasanni mangitou sarun olaanna allangnga.

YESAYA 10:18

Manga mahurangnga maappalla wuṛṛu manga wawail᷊anna masuwukka su wanua Asyur sarun mawinasa abbi-abbi, naal᷊ihidda taumata maradda'a uatataṛṛangnga ma'oman sara mate.

DARALO 103:20

Paddalote Mawu, ei manga mala'ekan-Ne apan matohassa, apan sidutu uararingikka wuṛṛu tuttuṛṛutta parenta-Ne.

YESAYA 2:13

Manga alun cemara apan mal᷊angkassa su Libanon wuṛṛu anambon aaluanna masallakka su Basan sarun pateanna.

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

YEHEZKIEL 31:3

I'o naal᷊ihidda cemaran Libanon apan maṛṛansangnga napenen rannane apan uasaṛṛihalo maṛṛamaga. Alune matul᷊idda wuṛṛu matolengnga otongnge naddatingngu winabbawa.