YESAYA 10:33 - WUKE SUSI WATTI'U AL᷊AL᷊USASSA

³³ Mawu Apan Lembontaṛṛino sarun mapaaṛṛaa mangitou naal᷊ihidda rannu nitonto wuassu alune. Apan aṛṛamahanne wuṛṛu atanggaṛṛanne suwallatti mangitou sarun pototanna wuṛṛu iṛṛa'a.

YESAYA 10:33 Referans Kwoze

AMOS 2:9

Salaiwe aroddi, ei uma-U, ete ana waugu i yamiu i Ya'u namate taumatan Amori apan mal᷊angkassa ere punnu cemara wuṛṛu matohassa ere punnu terpentin.

YESAYA 37:38

Su allo sambau, sutempo i tou tantal᷊anna mattaṛṛamawu sulal᷊ummu kuil Monganna Nisrokh, i tou nipaten hal᷊ele ṛattanganni Adramelekh wuṛṛu Sarezer, manga parinsine. Wua'udde i mangitou tinumal᷊angnga watukku Ararat. Ne Esarhadon, sinangianne, nabbal᷊i ratu nallol᷊ossa si tou.

LUKAS 14:11

Ana waugu suapan taumata apan mannaggakku watanganne sarun iapaawawo, arawe isai mammawon batanganne sarun iapaatanggakka.”

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

2 TAWARIKH 32:21

Ana see Mawu nandolokku sangkatou mala'ekatta apan niapapate manga tantara wuṛṛu manga tembonannu tantaran Asyur udde. Ringannu tumaniten nasili ratun Asyur nabelengke watukku wanuane. Su allo sambau sutempo i tou tantal᷊anna sulal᷊ummu wal᷊en monganne, siri pira manga anangnge sassane nirumanta namate si tou ringannu hal᷊ele.

YESAYA 5:15

Suapan taumata sarun pansilianna, wuṛṛu iapa mawunga sarun iapawawo.

YESAYA 33:3

Napawe I'o dumarisikka wuṛṛu mapasabbangngu tingin-Nu apan maddallu'a, manga walahanna sarun tumal᷊angnga wuṛṛu massal᷊iawukka.

YEREMIA 22:7

Sarun Ta'u irolokka taumata iapahohakku udde. I mangitou sarun mangapiddu wal᷊iungnga wuṛṛu maṛṛa'an manga diṛṛine apan maṛṛansanga apan niola'a wuassu alu cemaran Libanon. Wua'udde i mangitou sarun mallombo su putungnga.

YEHEZKIEL 31:3

I'o naal᷊ihidda cemaran Libanon apan maṛṛansangnga napenen rannane apan uasaṛṛihalo maṛṛamaga. Alune matul᷊idda wuṛṛu matolengnga otongnge naddatingngu winabbawa.

NAHUM 1:12

Ne unnu Mawu su Israel, uman-Ne, “Salaiwe manga taumatan Asyur udde matohassa see manambo reenganne, arawe i mangitou sarun ṛimunsaanna see mawul᷊i. Ei walahang-Ku, i Ya'u buatte na'ola'a si yamiu uatataṛṛangnga, arawe i Ya'u tate ma'ola'a apia.

YESAYA 18:5

Tantal᷊anna taambe tempon pabbawua, sutempo wungane natontongnga wuṛṛu wuan anggore taambe nal᷊aha su alune, Sudan sarun ṛimunsaannu seetta, ere al᷊uassu lari'a mammototta manga rannan alu anggore.

YESAYA 32:19

Lal᷊umanna eteapa si yamiu sarangkanambone ana waugu ua'en sinuanannu nasuungnga, wuṛṛu winatangnga papadul᷊ianannu wotongnge umanna su al᷊awo'u tampa ringannu amanna. Arawe seennu mahurangnge apan niaṛṛinoannu uranna watu wuṛṛu soa mangitou sarun ihohakka.