YESAYA 10:27 - WUKE SUSI WATTI'U AL᷊AL᷊USASSA

²⁷ Sutempo udde i Ya'u sarun mamallossi yamiu wuassu mangangallangu taumatan Asyur, wuṛṛu i mangitou tate lai uataṛṛino si yamiu.”

YESAYA 10:27 Referans Kwoze

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

DARALO 105:15

“Imbaṛṛangnga manal᷊awa'u manga taumata nipile-U, imbaṛṛangnga ma'ola'a al᷊al᷊eo su manga nabi-U!”

1 YOHANES 2:20

Arawe i yamiu suete nanengkamma Ghaṛṛahon Duata apan niwobboki Yesus Kristus wuṛṛu ana waugu udde i yamiu sarangkanambone maaillal᷊a al᷊aṛṛa'a apan naṛṛino udde.

DARALO 45:7

Ruata nangonggola si'o taṛṛino ipamarenta, taṛṛinonu uata'a saran mal᷊annu-l᷊annu; ringannu atatul᷊idda i'o mammarenta tumana'u soanu.

DARALO 20:6

Ne i yami maggio lulluassa ana waugu auntungannu, wuṛṛu nanduittu manga waneṛṛa ipaddalo Ruatan kite. Antimanna Mawu manengkamma al᷊awo'u darorongngu.

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

2 SAMUEL 1:21

Ei manga wuiddu Gilboa, paddaringikka wisara'u; Arie ma'oman sara wal᷊angngukka wuṛṛu uranna maaṛṛolo si'o! Wala'ewe mamara wuṛṛu maṛṛasa leta'u wawail᷊annu wuṛṛu wadda'a. Ana waugu ete poiaroddi nirangkalle allungngu taumata waṛṛani. Wuṛṛu allungngi Saul nitaiante, tate lai lananna.

DARALO 84:9

Daringeṛṛewe aal᷊iomangku, oh Mawu Ruata Apan Lembontaṛṛino, daringiṛṛewe, oh Ruatan Yakub.

WATTI'U MANGA RASUL 4:27

Ana waugu i Herodes wuṛṛu i Pontius Pilatus suete na'ola'a ammula ringannu manga taumata apan tawe ma'aillal᷊a Mawu wuṛṛu ringannu taumatan Israel su soa indi. I mangitou ma'amulla lumawangnga Mawu Yesus allang-Ngu apan na'ukkassa udde, apan suete nitene-Gu maola'a Ratum Punnu Sal᷊amatta.

YESAYA 37:35

Soan Yerusalem sarun Ta'u itahekka wuṛṛu Ta'u lindumanna ana waugu awawantu-Ku sassane wuṛṛu ana waugu paaire-Ku ringannu allang-Ku i Daud.’ ”

DARALO 132:10

Ringannu aranni Daud, allang-Ngu, ariewe mapawelengu ratu nipile-Nu.

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

YOHANES 1:41

Mal᷊iha-l᷊ihakka i Andreas naddea'a si Simon, tuṛṛangnge, wuṛṛu nabbisara si tou, “Yami suete nassomba Mesias!” (Mesias nassul᷊ungngi Kristus, eteudde: Ratum Punnu Sal᷊amatta.)

DARALO 81:6

I Tou na'ola'a sambau inanaramanna su walahannu Israel, sutempo i Tou inaite mando'appa Mesir. I Ya'u naaringikka sasinaukka apan awaganangku,

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

YESAYA 52:2

Darisikke wuassu awu, ei Yerusalem, tontonga'e awu apan uareetta si'o. Luatte ṛate apan uaiitta ullekkanu, ei tumana'u Sion apan niatawanna!

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

YEHEZKIEL 30:18

Sutempo i Ya'u manginsue awawantugu Mesir wuṛṛu manganu taṛṛinone apan ipammungane, Tahpanhes sarun oopannu ararandumma wuṛṛu manga wawinene sarun sametanna.

IMAMATTA 7:35

Wuassu anna apan nionggola su Mawu, ete wageangnge udde apan nionggola si Harun wuṛṛu manga anangnge su allo i mangitou itenega maṛiaddi imam.

YEREMIA 30:8

Mawu Apan Lembontaṛṛino nabbisara apia su uman-Ne, “Napawe nia'omante allo udde, pasanganna apan niandangnga su pal᷊u'anu sarun Ta'u paddianna, wuṛṛu aiinnu sarun Ta'u wu'anna. I yamiu sarun tawe maola'a allangngu taumata raho apia.