YESAYA 10:26 - WUKE SUSI WATTI'U AL᷊AL᷊USASSA

²⁶ Ya'u Mawu Apan Lembontaṛṛino, sarun manassakka si mangitou ringannu sambokka, ere lai i Ya'u nanassakka taumatan Midian su wowone watu Oreb. Asyur sarun Ta'u iṛṛuumanna ere lai i Ya'u nakkuumannu Mesir.

YESAYA 10:26 Referans Kwoze

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

MAL᷊AṚṚUUNGNGA 7:25

Ruan katou papunnu Midian eteudde i Oreb wuṛṛu i Zeeb nisametti mangitou. I Oreb nipate su Watun Oreb wuṛṛu i Zeeb nipate su pamakkannu anggore Zeeb. Manga taumatan Efraim udde sidutu mangngenggenna taumata Midian, ana see nangapiddu puan Oreb wuṛṛu i Zeeb si Gideon su samba'an Yordan wageangngu ra'i.

2 MARARATU 19:35

Ṛabbi udde lai Mala'ekattu Mawu nirumanta su paddasanannu taumatan Asyur, wuṛṛu namate 185.000 su atoune tantara. Tiṛabbine marua allo maṛṛanggapa winal᷊unanni mangitou pasi tal᷊eṛongke.

SASABANGNGA 14:16

Wattea'a ta'innu su wowon tahal᷊oangnga. Ne ua'e sarun matahia darua wuṛṛu taumatan Israel wotongnge lumewessa tahal᷊oangnga ringannu umamatta su wantane apan namarate.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 11:18

Manga taumata apan tawe maaillal᷊a Mawu, mammangalo ana waugu temponete I'o mapaasabangu asasa'u-Nu, wuṛṛu temponete lai I'o mamarikissa manga taumata nate. Ete indi tempone ipangonggolu lal᷊antake su manga allang-Ngu, manga nabi, wuṛṛu su anambon pabbawala-Gu, eteudde anambon taumata apan mattaṛṛamawu Si'o, timmade ara'e dario'a Ete indi tempone ipaṛṛimunsa'a manga taumata apan naṛṛimunsa'a runia!”

YESAYA 11:16

Su uman-Ne lambene sarun pia dal᷊anna mal᷊oangnga tadea'u maasabbangnga wuassu Asyur, naal᷊ihidda sutempo Israel sinumabbangnga wuassu Mesir.

YESAYA 10:24

Mawu Apan Lembontaṛṛino mabbisara uman-Ne apan uatana'a su Sion, “Arie pa'ata'uttu taumata Asyur, salaiwe i mangitou mangngallanga wuṛṛu mannansara si yamiu ere niola'u taumatan Mesir dorone.

DARALO 83:11

apan buatte nipate su Endor, wuṛṛu nabbal᷊ite pansuwukku leta'a.

DARALO 35:23

Darisikke panamba'a hatto'u, oh Ruata'u wuṛṛu Mawu'u, ontol᷊ewe i ya'u!

YESAYA 30:31

Taumatan Asyur sarun massongkakka napawe maaringikka tingikku Mawu wuṛṛu mamendamma ṛuuman-Ne apan mawakkatta.

YESAYA 9:3

I'o buatte nanaṛṛia'u winabbawane apan mawakkatta wuṛṛu alu papasanna wuassu wambangnge. I'o namaddon walahanna mangngallanga udde apan mammaṛṛangnga uman-Nu. Ere lai sutempo apan nanangkal᷊iu sutempo I'o namaddon tantaran Midian.

YESAYA 30:30

Mawu sarun mapararingikku tingik-Ke apan mawantuga, wuṛṛu suapan taumata sarun maapendamma taṛṛino-Ne apan bahewalla. Asasa'u-Ne sarun mandantan putungnga apan mannoṛṛobba, uranna masaddatta, uranna watu wuṛṛu tandi'a.

YESAYA 30:32

Tantal᷊anna i mangitou mammendamma manga papuulle, umattu Mawu lulluassa ringannu musikku tambore wuṛṛu kecapi. Ruata sassane sarun mamangalo mando'appa Asyur.