YESAYA 10:22 - WUKE SUSI WATTI'U AL᷊AL᷊USASSA

²² Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

YESAYA 10:22 Referans Kwoze

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

SONDAPPA 20:8

wuṛṛu i tou sarun inai mangawusu walahanna apan uasal᷊iawukka su ahewallu runia, eteudde Gog wuṛṛu Magog. Setanna nangammuli mangitou inai mapapangalo, sambau ammul᷊anna apan wahewalla atonna, ere anne su tahal᷊oangnga.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

YESAYA 8:8

I mangitou sarun mangelekka su Yehuda ere manawangnga atanggakke sara ullekka manggal᷊amon kal᷊awo'a.” Ruata uarundinganna si ite! Papaid-De apan uasiappakka uatillumma wanuan kite.

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

1 MARARATU 4:20

Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

YESAYA 46:3

Paddaringikke si Ya'u, ei papapulunni Yakub, i yamiu sarangkanambone lambene wuassu uma-Ku. I Ya'u buatte nappaddul᷊i si yamiu ro'en i yamiu niasungkanga.

YESAYA 48:19

Pallaṛṛitenu sarun maola'a ere anambon anne; i Ya'u mallu'adda si mangitou ma'oman sara tawe pateanna.”

YESAYA 60:22

Ewe'e lai amonanna apan addio'a wuṛṛu masa'ina sarun mabbal᷊i walahanna apan bahewalla wuṛṛu matohassa. I Ya'u Mawu sarun mal᷊ihakke mammanara sutempo apan na'etta'a ara'e natantunna.”

YESAYA 65:8

Mawu nabbisara, “Wuang anggore apan ta'e pia ua'ene tawe iramme, arawe olaanna ua'en anggore. Aroddi lai pabbawala-U tawe Ta'u pateanna abbi, ana waugu suwallatti mangitou ta'e paiddu apan mattaṛṛamawu si Ya'u.

2 MARARATU 19:31

Su Yerusalem wuṛṛu su puiddu Wowon Sion sarun pia taumata apan masal᷊amatta, ana waugu Mawu buatte nanantunna manungku olange udde sarun mariaddi.

YESAYA 37:31

Taumatan Yehuda apan ta'e wiakka sarun su lal᷊umanna'a ere sasuanna apan ṛamunne tumaniten mal᷊al᷊umma wuṛṛu mapasabbangu wuane.

YESAYA 59:20

Mawu nabbisara uman-Ne, “I Ya'u sarun dumanta su Yerusalem tadea'u manal᷊amatta si yamiu sarangkanambone apan nawal᷊u wuassu manga rosanu.

YEREMIA 3:14

Mawu nabbisara, “Ei umatta apan mal᷊awangnga, pabbelengke ringang-Ku! I yamiu uddewe pussa'a-U. I Ya'u sarun manganu si yamiu, sangkatou wuassu suapan soa, ruang katou wuassu suapan amonanna, wuṛṛu mangapiddi yamiu apia su Wuiddu Sion.

YEREMIA 44:28

Tumaba'u manga pira taumata apan sarun masal᷊amatta wuṛṛu mabbelengnga su Yehuda wuassu Mesir. Ne anambon taumatan Yehuda apan su Mesir sarun maasilo tanne wisara mangitou ara'e wisara-U apan matualaga.