YESAYA 10:18 - WUKE SUSI WATTI'U AL᷊AL᷊USASSA

¹⁸ Manga mahurangnga maappalla wuṛṛu manga wawail᷊anna masuwukka su wanua Asyur sarun mawinasa abbi-abbi, naal᷊ihidda taumata maradda'a uatataṛṛangnga ma'oman sara mate.

YESAYA 10:18 Referans Kwoze

2 MARARATU 19:23

I'o nandolokku daroloṛṛanna iapaawusu manungku ringannu anambon keretan pangalonu, i'o buatte naasa'a manga wowone atanggaṛṛanne su Libanon. I'o mammunga manungku i'o nanuwangnga manga alu cemara apan atanggaṛṛanne wuṛṛu aṛṛamahanne wuṛṛu namal᷊appidu manga mahurangnge ma'appala.

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

YESAYA 9:18

Mawu Apan Lembontaṛṛino tumanite massa'u, wuṛṛu ṛuuman-Ne naal᷊ihidda putungnga apan lukkanganggabba wuṛṛu walahanna udde naola'a alune apan nasue. Tawe saran sangkatou apan umakkannu tuṛṛangnge.

2 MARARATU 19:28

I Ya'u masingkatta manungku i'o mangke nasa'u si Ya'u, wuṛṛu i Ya'u naaringikke warabunganu udde. Orassa indi Ta'u iwa'issa aiitta su ngirunnu wuṛṛu ipappiaṛṛa'a su moṛṛongu, tadea'u i'o wol᷊enganna mapul᷊e umamatta sulal᷊anna sutempo i'o nirumanta.”

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 32:19

Lal᷊umanna eteapa si yamiu sarangkanambone ana waugu ua'en sinuanannu nasuungnga, wuṛṛu winatangnga papadul᷊ianannu wotongnge umanna su al᷊awo'u tampa ringannu amanna. Arawe seennu mahurangnge apan niaṛṛinoannu uranna watu wuṛṛu soa mangitou sarun ihohakka.

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.