YESAYA 10:16 - WUKE SUSI WATTI'U AL᷊AL᷊USASSA

¹⁶ Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 10:16 Referans Kwoze

2 TAWARIKH 32:21

Ana see Mawu nandolokku sangkatou mala'ekatta apan niapapate manga tantara wuṛṛu manga tembonannu tantaran Asyur udde. Ringannu tumaniten nasili ratun Asyur nabelengke watukku wanuane. Su allo sambau sutempo i tou tantal᷊anna sulal᷊ummu wal᷊en monganne, siri pira manga anangnge sassane nirumanta namate si tou ringannu hal᷊ele.

WATTI'U MANGA RASUL 12:23

Su orassa udde lai mala'ekattu Mawu namero si Herodes, ana waugu i tou tawe mangngaddatta Ruata. I Herodes niinassu ul᷊idda see nate.

DARALO 106:15

I Tou nangonggolu apa apan raddoronganni mangitou, arawe lai sa'itta apan nirumanta si mangitou.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

YESAYA 17:4

Mawu nabbisara, “Sarun a'omanna tempone awawantugu Israel muddussa, wuṛṛu pa'a'alane mawul᷊i.

YESAYA 10:18

Manga mahurangnga maappalla wuṛṛu manga wawail᷊anna masuwukka su wanua Asyur sarun mawinasa abbi-abbi, naal᷊ihidda taumata maradda'a uatataṛṛangnga ma'oman sara mate.

YESAYA 9:5

Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

YESAYA 5:17

Su winal᷊alannu soa ana'u ambingnga wuṛṛu domba sarun umanna nannalo wuṛṛu tawe asueannu pabbawiakka.

YESAYA 8:7

Ana waugu udde i Ya'u, Mawu, sarun maparantan ratun Asyur wuṛṛu anambon tantarane mapapangalo Yehuda. I mangitou sarun lumempangnga ere Sal᷊ukku Efrat apan mattaṛṛatompe'a wuṛṛu mangngelekka su manga rampinne.

DARALO 78:31

Ruata nasa'u wuṛṛu nilumawangnga si mangitou; i Tou namate manga taumatan Israel apan ta'e dario'a wuṛṛu matohassa.

YESAYA 31:9

Ratun mangitou sarun tumal᷊angngu atata'utta, wuṛṛu manga mamamiaṛṛa'u tantarane mangke niṛṛumoro, na'oman sara i mangitou nanantangngu manga waneṛṛan pangalo.” Mawu buatte nabbisara, Mawu apan sassubbanna wuṛṛu a'addatanna ringannu sasamba tattutunganna su Yerusalem.

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

NAHUM 1:12

Ne unnu Mawu su Israel, uman-Ne, “Salaiwe manga taumatan Asyur udde matohassa see manambo reenganne, arawe i mangitou sarun ṛimunsaanna see mawul᷊i. Ei walahang-Ku, i Ya'u buatte na'ola'a si yamiu uatataṛṛangnga, arawe i Ya'u tate ma'ola'a apia.

ZEFANYA 2:13

Wua'udde Mawu sarun mappaattu taṛṛino-Ne ipakkimunsa'a Asyur. Soa Niniwe sarun olaanna mal᷊annabba wuṛṛu wadda'a apan lol᷊okka.

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YEREMIA 48:14

Ereapa wotongnge esakku Moab waṛṛani mabbisara, ‘I yami waṛṛani, manga tantara apan matohassa buatte nisal᷊u'atanna sulal᷊ummu pangalo?’

ZAKARIA 7:4

Eteindi tanatan Mawu apan nirumanta ringangku.