YESAYA 10:13 - WUKE SUSI WATTI'U AL᷊AL᷊USASSA

¹³ Ratun Asyur mammunga, wisarane, “Sarangkanambone udde ta'u olaanna ringannu taṛṛino'u sassane. I ya'u masiṛṛongnga wuṛṛu pande. I ya'u mamappassa passarannu manga walahanna, wuṛṛu i ya'u nangaṛṛo saddia mangitou. Ere bantenga i ya'u naṛṛinda manga taumata apan uaparenta.

YESAYA 10:13 Referans Kwoze

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

HABAKUK 1:16

Ana see soma udde nionggolli mangitou wuṛṛu niola'a sasamba, ana waugu ringannu soma udde i mangitou buatte naasomba wiakka manambo-nambo wuṛṛu mabbiakka su lal᷊umanna'a.

AMOS 6:13

I yamiu mattal᷊imoṛṛonganna manungku i yamiu buatte namaddon Lodebar. I yamiu lai mabbisara, “I yami ta'e matohassa inai mangaṛṛo Karnaim.”

AMOS 5:27

Amungkangngu i Ya'u mandammen kamiu su sambau wanua apan marau su Damsyik. I Ya'u Mawu aranne Ruata Apan Lembontaṛṛino buatte nabbisara.”

YEHEZKIEL 29:3

Mawu Apan Atanggaṛṛanne nandolo'u iapapasingkatta su ratu Mesir tanata indi, “I ya'u indi seennu, ei wuala masallakka apan ual᷊allowanga su sal᷊ukka. I'o mammahia manungku Sal᷊ukku Nil uddewe pussa'anu wuṛṛu manungku ete i'o apan na'ola'a.

YEHEZKIEL 26:2

“Ei taumata apan mattate, tumana'u Tirus buatte naggio lapiddu mabbisara, ‘Yerusalem naṛṛimunsa'e! Auatanne sulal᷊ummu madagangnga nawul᷊ite! I tou tate maola'a ro'appi ite lai!’ ”

YEHEZKIEL 25:3

Doloṛṛa'e walahanna udde maddaringikka apa apan i Ya'u, Mawu Apan Atanggaṛṛanne mabbisara si mangitou, ‘I yamiu mal᷊uassa ma'ellega Wal᷊e-U nilal᷊eo wuṛṛu leta'u Israel nohohakka see walahannu Yahudi niṛṛootta watukku pamamuanganna.

YESAYA 10:8

I tou mammungan batanganne, wisarane, “Manga tembonannu tantara'u sarangkanambone manga ratu!

1 TAWARIKH 5:26

Ana waugu udde Ruata nangal᷊oren naungngi Pul ratun Asyur, ne i tou inaite namangalo wanua udde. I Pul iasaggo lai i Tiglat-Pileser. Ana see ṛuanganni Ruben, i Gad wuṛṛu i Manasye apan uatana'a su samba'a ra'in Yordan niapidda naola'a taumata niatawanna wuṛṛu niwuangnga su Halah, Habor, Hara wuṛṛu watukku sambau tampa maranin Sal᷊ukku Gozan. Poiaroddi i mangitou natana'a wuṛṛu namanua naddatingngu allo indi.

2 MARARATU 18:32

ma'oman sara i yamiu ta'u iingkatta watukku sambau wanua apan lihidde ere wanuanu sassane. Poiaroddi pia baillu anggore, apan mangonggolu wuane si'o, wuṛṛu waillu ganduma hessine taponna maola'a wiakku. Su wanua udde pia manambo alun zaitun, lanan zaitun wuṛṛu pul᷊a. Amungkangu i yamiu tuttuṛṛutta sarangkanambone apan ta'u irolokka si yamiu, i yamiu sarun mabbiakka, tawe nate. Arie paddaringikka si Hizkia! I tou tumba'u mangngawusu si yamiu ringannu mabbisara manungku Mawu sarun manal᷊amatta si yamiu.

2 MARARATU 18:15

Ana waugu udde, anambon sal᷊a'a apan sasahipunanna su Wal᷊en Mawu wuṛṛu sulal᷊ummu kase su wal᷊en araratuanna niirimmi Hizkia si Sanherib.

2 MARARATU 18:11

Wua'udde ratun Asyur nangapiddu taumatan Israel apan niawawi udde watukku Asyur; sambageanganna wuassi mangitou niapaatana'a su soa Halah, sambageanganna maranin Sal᷊ukku Habor su wageangu leta'u Gozan, wuṛṛu sambageanganna lai su manga soa su wanua Madai.

2 MARARATU 17:24

Pinallol᷊ossa taumatan Israel apan niapidda watukku pamamuanganna udde, ratun Asyur niapatana'a su manga soan Samaria, manga taumata wuassu Babel, Kuta, Awa, Hamat wuṛṛu Sefarwaim. Manga taumata udde natana'a su manga soa wuṛṛu namanuate isudde.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

2 MARARATU 16:8

I Ahas nanganu lai wul᷊awanna wuṛṛu sal᷊a'a wuassu Wal᷊en Mawu, see lai saranapan su wal᷊en araratuanna, wua'udde niirimma maola'a aonggola si ratun Asyur udde.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

YEREMIA 48:14

Ereapa wotongnge esakku Moab waṛṛani mabbisara, ‘I yami waṛṛani, manga tantara apan matohassa buatte nisal᷊u'atanna sulal᷊ummu pangalo?’

YEHEZKIEL 35:13

Ei walahannu Edom, moṛṛongngi yamiu mal᷊oangnga wuṛṛu mabbisara ringannu mawunga si Ya'u. I Ya'u naaringikke sarangkanambone udde.

HABAKUK 2:6

Arawe sarangkanambone apan niawaddone udde sarun mamasendekka wuṛṛu mallobbossa si tou. I mangitou sarun mabbisara, “Niawontohante i'o ana waugu mangngombon darotongnga apan wal᷊ine tatahuanannu! Pira tempo lai i'o mapaalan batangannu ringannu mammata'u manga taumata pia awallassa si'o tadea'u mamaekka awallassi mangitou?”

MAL᷊AṚṚUUNGNGA 7:2

Mawu nabbisara si Gideon, “Tantaranu tumaniten manambo. I Ya'u maddiri mangonggolu auntunganna si yamiu su taumatan Midian, ana waugu antahanna i mangitou maṛingidda, manungku i mangitou naauntunga ana waugu atatohassi mangitou sassane, na'oman sara i mangitou tawe maddalo si Ya'u.

AMSAL 28:11

Taumata ala sidutu uapendamma watanganne pande, arawe taumata asiangnga apan pia buddine masingkattu isai i tou ṛinone.

YESAYA 5:21

Nasilakate i yamiu apan mammendamma watangannu pande wuṛṛu lembon masingkatta!

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

HABAKUK 1:11

Ana see ere al᷊ihakku anginna inaite manga tumata apan mangngasakku atatohanne sassane udde.”