YESAYA 1:29 - WUKE SUSI WATTI'U AL᷊AL᷊USASSA

²⁹ I mangitou sarun masili ana waugu massubba manga aaluanna wuṛṛu naṛṛaen manga wailla ionggolla su manga monganna.

YESAYA 1:29 Referans Kwoze

YESAYA 66:17

Mawu nabbisara, “Anambon taumata apan mapaasusin batanganne tadea'u inai su manga wailla massubba manga monganna wuṛṛu mattaṛṛamawu si mangitou, sarun mawul᷊i suadio'a ringannu manga taumata apan u'inassa ṛemessu wawi wuṛṛu wal᷊awo see lai anna waine apan ma'arantinna.

YESAYA 65:3

I mangitou sidutu ma'ola'a si Ya'u massa'u ana waugu mangngonggollu sasamba su manga wawail᷊anna huna manga monganna wuṛṛu mannambunnu amania su manga mezbahne.

YESAYA 57:5

I yamiu massubba manga mongannu asasuwukka ringannu mamalan batangannu iaapiddu apulun dunia su al᷊ungngu manga alu mangal᷊eng kamiu. I yamiu nallabbingu manga anangngu su wawal᷊annu sal᷊ukka, nisalle'a su manga wallattu watu.

HOSEA 4:13

Sumanga tampa pasasubbanna paal᷊uana su manga puiddu wuidda wuṛṛu wowone, i yamiu mangngonggollu sasamba, wuṛṛu mannambunnu manania su al᷊ungngu manga aaluanna wahahewalla wuṛṛu masindumunna ana waugu tampa udde mal᷊annabba. Arawe apa pangillul᷊eanne? Manga anangngu maṛṛuala nabbal᷊ite sumasandaga wuṛṛu manga mananambonu wawine maddea'a sawa waine!

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

HOSEA 14:3

Pabbelengke ringannu Mawu wuṛṛu apira'e aal᷊iomanna indi maola'a sasambanu si Tou, “Mawu, ampungewe al᷊awo'u rosan kami, wuṛṛu sengkampe aal᷊iomanni yami indi, ne i yami sarun maddalo Si'o ere buatte pina'ireng kami.

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YESAYA 45:16

Anambon taumata apan mallanginnu paal᷊uanna sassubbanna; sarun pansilianna wuṛṛu al᷊uandahanna.

YESAYA 31:7

Sarun a'omanna tempone i yamiu sarangkanambone sarun mandamme manga paal᷊uannu monganna wuassu sal᷊a'a wuṛṛu wul᷊awanna apan nilanginni yamiu sassane ringannu napenen dosa.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 42:17

Taumata apan mangngimanna su paal᷊uanna sassubbanna wuṛṛu mangnga'u udde maola'a mawu mangitou, sarun lobbosanna wuṛṛu pansilianna.”

HOSEA 4:19

Ana waugu udde i mangitou sarun mawul᷊i ere nitiuppu anginna. I mangitou sarun maasomba asasili ana waugu manga sasamba apan nionggoli mangitou su manga monganna.