YESAYA 1:28 - WUKE SUSI WATTI'U AL᷊AL᷊USASSA

²⁸ Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

YESAYA 1:28 Referans Kwoze

DARALO 1:6

Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

YESAYA 30:13

Ana waugu udde i yamiu nassal᷊a. I yamiu naal᷊ihidda tanda'a matanggakka apan nawa'a wua doso naddatingngu wowane; ringannu sangkaṛṛondappa i yamiu sarun maṛṛa'a.

AYUB 31:3

Silaka wuṛṛu asasusa sarun iaparantan Mawu su taumata apan ma'ola'a al᷊al᷊eo!

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YESAYA 66:24

Sutempo umamatte, i mangitou sarun maasilo winal᷊unannu manga taumata apan buatte nilumawangnga si Ya'u. Ul᷊idda apan u'inassa winal᷊unanni mangitou sarun tawe mate, wuṛṛu putungnga apan mannoṛṛobba si mangitou tawe mappadumma; sambau inolaanna aellehanna apan maata'utta su anambon taumata.”

YESAYA 65:11

Arawe wal᷊ine aroddi pal᷊addu manga taumata apan nanantang-Ku, apan tawe pandumme su Sion, wui-U apan susi, apan mannengokku anna si Gad wuṛṛu si Meni, manga mongannu auntunganna wuṛṛu pal᷊addu taumata.

YESAYA 50:11

Ei i yamiu apan mappandumma manilaka taumata waine, i yamiu sarun pateannu ṛiinni yamiu sassane. Ete Mawu apan ma'ola'a udde matipussa, i yamiu sarun sansaranna ringannu mawakkatta.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

DARALO 125:5

Arawe taumata apan inolaanne mallinga antimanna iṛṛuumannu Mawu suadio'a ringannu taumata lal᷊eo. Doronganna al᷊aṛṛanang-Ngu mal᷊angnganna!

DARALO 104:35

Wala'e taumata marosa mawul᷊i wuassu wowon dunia, wala'e taumata lal᷊eo masue mate. Paddalote Mawu, ei niawa'u! Paddalote Mawu!

DARALO 92:9

ana waugu I'o, Mawu, uataṛṛino sarangkal᷊o'engnge.

DARALO 73:27

Taumata apan manantang-Ngu sarun masilaka, I'o namate taumata apan mal᷊awangnga Si'o.

DARALO 37:38

Arawe taumata marosa sarun pateanna; papapulunni mangitou sarun ṛaddaanna.

DARALO 9:5

Ana waugu I'o mammarenta naola'a mallaṛṛuungnga apan matul᷊idda; I'o buatte nanahekku hatto'u.

DARALO 5:6

I'o tawe maaṛṛadanna ma'ellega taumata mawunga, I'o maddantinnu taumata apan ma'ola'a al᷊al᷊eo.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 SAMUEL 12:25

Arawe amungkangu i yamiu sidutu ma'ola'a rosa, ne i yamiu wuṛṛu ratunu sarun mate.”

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

YESAYA 24:20

Al᷊imatan dunia lullengge naal᷊ihidda taumata wu'anna, wuṛṛu niumio'a naal᷊ihidda sambengessa nitiuppu anginna al᷊isusu. Runia naṛṛa'a ana waugu mawakkatta rosane. I tou naṛṛimunsa'a wuṛṛu tate maapabbuatta apia.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

YESAYA 58:2

I mangitou massubba si Ya'u miallo-miallo, wuṛṛu maapulu maasingkatta apulu-U, paṛṛimaunapa i mangitou ma'ola'a apapia, wuṛṛu satia su tita-U. I mangitou mabbisara manungku i mangitou mal᷊uassa massubba si Ya'u wuṛṛu maapulun tita-Ku apan matul᷊idda.”

YESAYA 66:17

Mawu nabbisara, “Anambon taumata apan mapaasusin batanganne tadea'u inai su manga wailla massubba manga monganna wuṛṛu mattaṛṛamawu si mangitou, sarun mawul᷊i suadio'a ringannu manga taumata apan u'inassa ṛemessu wawi wuṛṛu wal᷊awo see lai anna waine apan ma'arantinna.

YEREMIA 17:13

Mawu, ete I'o aantimannu Israel, uman-Nu; sarangkanambone apan nanantang-Ngu sarun masili. I mangitou sarun mawul᷊i wuassu runia indi wuṛṛu inaite watukku runian taumata nate. Ana waugu, I'o al᷊imatang kua'en pabbiaṛṛanna buatte nitantangngi mangitou, oh Mawu.

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

2 TAWARIKH 21:10

Nanattakka orassa udde Edom tate uasuṛṛubbawa su Yehuda. Sutempo udde soa Libna lai namangalo. Sarangkanambone udde nariaddi ana waugu Yehoram buatte nanantangngu Mawu, Ruata apan sassubbannu al᷊amonane.

2 TAWARIKH 28:23

I tou nanilaka watanganne wuṛṛu tumanangnge ana waugu nangonggolu sasamba su manga mongannu taumatan Siria apan buatte namaddon tou. I tou maṛṛingidda, “Manga mongannu Siria buatte nassumbala manga ratun Siria, nariaddi amungkangu i ya'u mangonggolu sasamba si mangitou, asinungka i mangitou lai sarun umontolla si ya'u.”

AYUB 34:26

I mangitou nipero-Ne ana waugu rosan mangitou, su saruannu awadaalla i mangitou niṛṛuuman-Ne.

AYUB 34:27

Ana waugu i mangitou tawe tumuṛṛutta apulu-Ne, wuṛṛu tawe maddaringikka anambon parenta-Ne.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.