YESAYA 1:20 - WUKE SUSI WATTI'U AL᷊AL᷊USASSA

²⁰ Arawe amungkangngu i yamiu lullawangnga si Ya'u, i yamiu sarun mate sulal᷊ummu pangalo. I Ya'u, Mawu, buatte nabbisara.”

YESAYA 1:20 Referans Kwoze

YESAYA 65:12

I yamiu sarangkanambone sarun mate maola'a sol᷊eng karaṛṛagissa. Ana waugu, sutempo i Ya'u mammaggo, i yamiu tawe sumimbakka, wuṛṛu sutempo i Ya'u mabbisara, i yamiu maddiri maddaringikka. I yamiu mappianne lumawangnga si Ya'u wuṛṛu ma'ola'a al᷊al᷊eo.

YESAYA 58:14

Ne i yamiu sarun lumuassa ana waugu tuttuṛṛutta si Ya'u. Ya'u sarun ma'ola'a si yamiu aaddatanna su ahewallu runia. I yamiu sarun mabbiakka mal᷊uassa ringannu hessin leta'a puassa'an Yakub, iupungngu al᷊amonanu, i Ya'u, Mawu buatte nabbisara.”

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

YESAYA 3:25

Taumata esakka, wuṛṛu lai mangkatohassa, sarun mate sulal᷊ummu pangalo.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

1 SAMUEL 12:25

Arawe amungkangu i yamiu sidutu ma'ola'a rosa, ne i yamiu wuṛṛu ratunu sarun mate.”

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

1 SAMUEL 15:29

Apan Awantuhanne Ruatan Israel tawe mamahia, wuṛṛu tawe mawal᷊u naung-Nge, ana waugu i Tou wal᷊ine taumata.”

1 SAMUEL 12:15

Arawe, amungkangu i yamiu tawe maddaringikka Mawu, ewe'e lai lullawangnga parenta-Ne, i yamiu wuṛṛu ratunu sarun ro'apannu Mawu.

YESAYA 8:6

wisara-Ne, “Walahanna indi nanol᷊a'u ua'e apan matilangnga wuassu ana'u Sal᷊ukku Syiloah, wuṛṛu mal᷊uassa ringanni Ratu Rezim wuṛṛu i Ratu Pekah.

YESAYA 34:16

Paddea'e wuṛṛu pabbasate sulal᷊ummu Buken Mawu: Tawe saran sambau wuassu anambon riaddianna udde mawul᷊i ara'e tawe parene. Ana waugu etearoddi parentan Mawu, wuṛṛu ete i Tou sassane apan buatte nangammulli mangitou.

YEREMIA 4:17

wuṛṛu malliwunna Yerusalem ere taumata uariagga wailla. Sarangkanambone udde mariaddi ana waugu walahannu Yehuda buatte nilumawangnga Mawu. Mawu buatte nabbisara.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 21:8

Wua'udde Mawu nandolo'u nabbisara arendi lai su uman-Ne, “Paddaringikke, i Ya'u, Mawu, nangonggolla si yamiu sambau iapapile: lal᷊anna apan mattuddan pabbiaṛṛanna, ara'e lal᷊anna apan mattudan papate.

YEREMIA 26:4

Mawu nandolo'u mabbal᷊o ereindi si mangitou, “I Ya'u, Mawu, buatte namarenta tadea'u i mangitou tumuṛṛutta si Ya'u wuṛṛu mappaamattu manga tita apan buatte Ta'u nionggolla si yamiu.

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

SASABANGNGA 9:2

Amungkangngu i'o maddiri mamallossi mangitou,

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

AYUB 36:12

Arawe amungkangngu i mangitou tawe maddaringikka, i mangitou sarun mate sulal᷊ummu awawoddo.