YESAYA 1:13 - WUKE SUSI WATTI'U AL᷊AL᷊USASSA

^13-14 Tawe gunane i yamiu mangapiddu sasambanu udde. Hal᷊urune maamuta si Ya'u. Ya'u maddantinna wuṛṛu tawe maataṛṛangnga ma'ellega si yamiu maddamean Bulanna Wakku, manga allon Sabat wuṛṛu manga allo wahewalla see lai manga pasasomban patataṛṛamawu. Sarangkanambone udde nil᷊al᷊eo manga rosanu wuṛṛu naola'a winabbawa-U; i Ya'u nallomete uapasanna.

YESAYA 1:13 Referans Kwoze

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

MALEAKHI 1:10

Mawu Apan Lembontaṛṛino nabbisara, “Mappianne ngaran Wal᷊e-U irṛṛudda, ana waugu tawe gunane i yamiu mande'omma putungnga su wowon mezbah-U. I Ya'u tawe mal᷊uassa si'o, wuṛṛu maddiri manengkamma sasambanu.

MATIUS 15:9

Tawe gunane i mangitou massubba si Ya'u, ana waugu atorannu taumata, ia'aṛṛa'i mangitou, ere lai atorang-Ku.’ ”

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

YOEL 2:15

Tiuppe trompetta su Sion, wowonen Duata, al᷊iata'e allon puasa, pa'ola'e ammul᷊anna wahewalla.

LAL᷊ALLU 2:6

I Tou nakkimunsa'a wal᷊e-Ne tampan uman-Ne maammulla massubba si Tou. I Tou na'ola'a taumata maabul᷊i Sabat wuṛṛu manga allo wahewalla. Ana waugu Mawu lembon nasa'u, imam wuṛṛu ratu buatte nitol᷊ang-Ne.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

1 KORINTUS 11:17

Su ola'u manansunna indi; ya'u tawe maddalo si yamiu. Pamamisan kamiu wal᷊ine mapaal᷊iatta'u apapia, ewe'e al᷊al᷊eo.

YOEL 1:14

Doloṛṛa'e umannu mappuasa, al᷊iata'e paammul᷊anna wahewalla! Pannotete manga piaṛṛa'a wuṛṛu matatimmade see lai anambon tumana'u Yehuda, tadea'u rumanta su Wal᷊en Duata, tadea'u sumal᷊ande maiontolla si Tou.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

DARALO 78:40

Aroddi asokkane i mangitou lumawangnga si Tou, wuṛṛu manaddu'a naung-Nge sutempo su wadda'a.

1 TAWARIKH 23:31

wuṛṛu lai suapan tempo napawe pia sasamba apan itattambunna ionggola su Mawu su allon Sabat, su ramean Bul᷊anna Wakku, wuṛṛu su manga ramea waine. Su ola'u reengannu taumatan Lewi apan ṛinone mammanara miallo-miallo, buatte lai niolaanna atoranne. Saran mal᷊annu-l᷊annu taumatan Lewi mappaamattu manara udde.

SASABANGNGA 12:16

Su allo paarorone, wuṛṛu lai su allo appitune, i yamiu ṛinone ma'ammulla mattaṛṛamawu. Su allo udde imbaṛṛangnga i yamiu mammanara tabene'e mallaha anna.

FILIPI 1:15

Atonna pia sire pira wuassu wallatti mangitou apan mabbatti'i Kristus ana waugu naungnge lal᷊eo wuṛṛu maapulu mattatiakka, arawe waine mabbatti'i Kristus ana waugu pia pandumma apan mapia.

REENGANNA 10:2

“Pa'ola'e darua trompeta wuassu sal᷊a'a nisassala tadea'u ipamago tumana'u soa ma'ammula ara'e mandolokki mangitou umamatta.

YESAYA 66:23

Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

HOSEA 2:11

Al᷊awo'u andeangnge sarun Ta'u iapaaddo, mawae andeangngu tonna aroddi lai andeangngu wul᷊anna wuṛṛu manga allon Sabat; aune, al᷊awo'u andeangngu pangangagamane.

IMAMATTA 26:31

manga soanu sarun Ta'u wal᷊uanna mabbal᷊i tuidda, manga tampa patataṛamawuannu Ta'u ṛimunsaanna wuṛṛu manga sasambanu tawe Ta'u seengkamanna.

2 MARARATU 4:23

“Anio inaite orassa indi?” awinge naiwal᷊o. “Allo indi wal᷊ine allon Sabat, wuṛṛu lai wal᷊ine allo wahewan Bul᷊anna Wakku.” “Tawe apane,” sasimbakke.

AMSAL 7:14

“Allo indi ṛinone i ya'u mamaekka riadi'u, wuṛṛu ringannu udde buatte nangonggollu sasamba.