YESAYA 1:1 - WUKE SUSI WATTI'U AL᷊AL᷊USASSA

¹ Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

YESAYA 1:1 Referans Kwoze

2 TAWARIKH 26:1

Napawe i Amazia natete, tumana'u Yehuda sarangkanambone namile si Uzia anangnge naola'a ratu. Sutempo udde ukke 16 su tonnane. Inangngene aranne i Yekholya, wawinen Yerusalem. Uzia namarenta su Yerusalem 52 su tonnane al᷊annune. Ete apan nangaṛṛo wuṛṛu na'ola'a apia soa Elot.

2 MARARATU 18:1

Su tonna atallune i Ratu Hosea ana'i Ela uaparenta Israel, i Hizkia ana'i Ahas naola'a ratun Yehuda.

YESAYA 7:1

Ratu Ahas eteudde ana'i Yotam pulunni Uzia. Sutempo i tou uaparenta Yehuda, napesangke pangalo. Rezin ratun Siria, wuṛṛu i Pekah ana'i Remalya ratun Israel, nirumanta namangalo Yerusalem. Arawe i mangitou tawe naawaddon soa udde.

YESAYA 6:1

Sulal᷊ummu tonna i Ratu Uzia nate, i ya'u naasilo Mawu. I Tou ua'ianna su adderan araratuan-Ne apan matanggakka wuṛṛu mawantuga. Juba-Ne uataappa ahewallu Wal᷊en Mawu.

YESAYA 2:1

Eteindi manga tanatan Duata su ola'u Yehuda wuṛṛu Yerusalem apan nisengkammi Yesaya ana'i Amos:

DARALO 89:19

Ana waugu mallal᷊u'adda si yami uddewe taumata Nipile-Nu, oh Mawu; ratun kami uddewe pussa'an Duatan Israel apan Susi.

REENGANNA 24:16

apan buatte naaringikka wisaran Duata, apan botongnge maaillal᷊a Apan Atanggaṛṛanne; apan naasilo sondappa wuassu Apan Lembontaṛṛino apiddu naṛṛa'a arawe mata uaalla.

AMOS 1:1

Amos uddewe sangkatou mallal᷊u'adda domba wuassu soa Tekoa. I tou naola'a nabi sutempo wanua Yehuda paprentanni Ratu Uzia, wuṛṛu Israel paparentanni Ratu Yerobeam, ana'i Yoas. Darua su tonnane tantal᷊anna taambe nariaddi linukka, Ruata namasingkatta si Amos manga inolaanna su ola'u Israel.

YEREMIA 23:16

Su tumana'u Yerusalem, Mawu Apan Lembontaṛṛino nabbisara, “Imbaṛṛangnga maddaringikka wisara manga nabi apan sidutu tumba'u mangngonggollu antimma apan tawe loṛṛone. I mangitou tumba'u mammasingkattu wal᷊iawa mangitou sassane wuṛṛu wal᷊ine tanata-U.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

YESAYA 21:2

I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 13:1

Eteindi tanatan Duata, apan nisengkammi Yesaya ana'i Amos su ola'u Babel:

2 MARARATU 15:32

Su tonna aruane sutempo i Ratu Pekah ana'i Remalya uaparenta su Israel, i Yotam ana'i Uzia naola'a ratun Yehuda.

2 MARARATU 15:7

I Uzia nate ana see nilabbinga su labbingu mararatun so Soan Daud. I Yotam anangnge naola'a ratu nallol᷊ossa si tou.

2 MARARATU 15:1

Su tonna aruam pul᷊o pitune sutempo i Ratu Yerobeam II uaparenta su Israel, i Uzia ana'i Amazia naola'a ratun Yehuda.

WATTI'U MANGA RASUL 26:19

“Ana waugu udde, Tuangnga Agripa, i ya'u sidutu mattinsahadda tuttuṛṛutta sondappa apan suete ta'u nisengkamma wuassu Ruata udde.

WATTI'U MANGA RASUL 10:17

I Petrus nabingo maṛṛingiddu apa atappasannu sondappa udde. Tantal᷊anna i Petrus maṛṛingidda, manga taumata apan nirolokki Kornelius naasombate wal᷊en Simon wuṛṛu i mangitou uddete su ngara.

MATIUS 17:9

Su tempo i mangitou sinumossokke wuassu wuidda udde, Mawu Yesus napaanaungnga si mangitou, “Arie pabbatti'a sisai-sai, apa apan suete niasiloanni yamiu tanginna, tantal᷊anna Ana'u Taumata taambe niapawangunna wuassu papate.”

HABAKUK 2:2

Mawu sinumimbakka si ya'u arendi, “Uitte ringannu matualaga pesangngu lete'a maṛṛamu, apa apan Ta'u niapasingkatta si'o tadea'u wotongnge iawasa ringannu mal᷊uassa.

NAHUM 1:1

Eteindi tanatan Duata su ola'u Niniwe. Tanata udde niapasingkatta ringannu sondapa apan noinggolla si Nahum, sangkatou nabi apan darantane wuassu Elkos.

MIKHA 1:1

Mikha darantane wuassu sambau soa addio'a arane Moresyet. Sutempo wanua Yehuda paparentannu ual᷊al᷊isansunna eteudde Ratu Yotam, Ahas wuṛṛu Hizkia. Mikha nenengkamma tanatan Mawu su ola'u Samaria wuṛṛu Yerusalem.

HOSEA 1:1

Eteindi tanata apan nionggollu Mawu si Hosea ana'i Beeri sutempo araratuannu Yehuda nallal᷊isansunna paparentanni Ratu Uzia, Yotam, Ahas, see Hizkia, wuṛṛu araratuannu Israel paparentanni Yerobeam ana'i Yoas.

REENGANNA 24:4

apan buatte naddaringikka manga wisaran Mawu Duata wuṛṛu naasilo sondappa wuassu Apan Lembontaṛṛino, apiddu naṛṛa'a, arawe ringannu mata uaalla.

2 PETRUS 1:21

Ana waugu, tawe saran paassa tanatan Duata ipappasingkata tumba'u ana waugu apulun taumata. Arawe Ghaṛṛahon Duata uataṛṛino su tamuata apan mammasingkatu tanata Ruata sassane.

2 KORINTUS 12:1

Atonna tawe auntunganne amungkangngu mamarabunga. Arawe i ya'u lai maapulu mamarabunga manga inolaanna apan niapaasilon Duata si ya'u sulal᷊ummu sondapa ara'e sulal᷊ummu aellega.

REENGANNA 12:6

wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

2 MARARATU 15:13

Su tonna atallum pul᷊o sione sutempo i Ratu Uzia uaparenta Yehuda, i Salum ana'i Yabes naola'a ratun Israel. I tou namarenta su Samaria tumba'u sambul᷊anna,

2 MARARATU 19:2

Wua'udde i tou nandolokki Elyakim, tembonannu wal᷊en araratuanna, i Sebna mamamoṛṛettu wanua, wuṛṛu manga imam apan timmadete, iapasasomban Yesaya ana'i Amos. I mangitou nalluṛṛen nasa karonga.

2 TAWARIKH 26:22

Watti'a waine su ola'u pamamarentan Ratu Uzia, buatte niwoṛṛetti Nabi Yesaya ana'i Amos.

2 TAWARIKH 27:1

Yotam naola'a ratu su uukka 25 su tonnane, wuṛṛu i tou namarenta su Yerusalem 16 su tonnane al᷊annune. Inangngene eteudde i Yerusa ana'i Zadok.

2 TAWARIKH 28:1

Ahas naola'a ratu sutempo i tou uukke 20 su tonnane, wuṛṛu i tou namarenta Yerusalem 16 su tonnane al᷊annune. I tou tawe nangaṛṛussa pallal᷊agu apan mapia wuassi Ratu Daud, iupungnge, ewe'e inolaanne tawe maal᷊uassa naungngu Mawu.

2 TAWARIKH 29:33

I mangitou lai uaapiddu 600 sapi esakka wuṛṛu 3.000 domba maola'a sasamba wuṛṛu inasanni mangitou suadio'a apan uasemodda isudde.

YESAYA 20:2

Tatallu su tonnane wua'udde, Mawu nandolokki Yesaya ana'i Amos nalluatta sapatune wuṛṛu nasa karongnga apan nilluṛṛene. I tou tinumuṛṛutta wuṛṛu niumamatta tantol᷊e wuṛṛu tawe sapatune.

YESAYA 37:2

Wua'udde i tou nandolokki Elyakim tembonannu wal᷊en araratuanna, i Sebna mamamoṛṛettu araratuana wuṛṛu manga imam apan pia pangkanne inai maisasomba Nabi Yesaya, ana'i Amos. I mangitou lai nalluṛṛen karongnga.

YESAYA 38:1

Sutempo udde i Hizkia nirumadda'a wuṛṛu ete addio'a nate. I Nabi Yesaya ana'i Amos, nattembo si tou wuṛṛu nabbisara, “Mawu nannanata tadea'u i Tuangnga manginsue anambon manara, ana waugu i Tuangnga tawe mapia wuassu radda'a. Tate mal᷊annu lai i Tuangnga sarun mate.”

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

AMOS 4:5

Pangonggollen roti maola'a aadiangkamannu si Ya'u, wuṛṛu pattal᷊imoṛṛongante manungku i yamiu buatte nangapiddu tatimun sasamba! Eteudde apan mal᷊uassa a'olaanni yamiu!