YEREMIA 9:13 - WUKE SUSI WATTI'U AL᷊AL᷊USASSA

¹³ Mawu sinumimbakka, “Udde nariaddi ana waugu uma-U tate lai maddaringikka manga al᷊aṛṛa'a apan Ta'u nionggolla si mangitou. I mangitou tate tumuṛṛutta si Ya'u, wuṛṛu maddiri maddaringikka manga parenta-U.

YEREMIA 9:13 Referans Kwoze

2 TAWARIKH 7:19

Arawe amungkangu i'o wuṛṛu tumanangngu lumawangnga manga tita wuṛṛu manga parenta-U, see lai massubba mawu waine,

YEREMIA 22:9

Ana see taumata sarun sumimbakka manungku sarangkanambone udde nariaddi ana waugu i yamiu buatte nassina'addu pa'aireng kamiu si Ya'u, Ruatanu, wuṛṛu buatte nassubba see nattaṛṛamawu su mawu waine.”

EZRA 9:10

Arawe orassa indi, oh Mawu Ruata, napawe al᷊awo'u arariaddianna udde nal᷊iudde, apa apan wotongnge iwisaran kami? I yami tate maddaringngikka manga parenta-Nu lai,

AMSAL 28:4

Isai apan tawe mangareggan tita, mannamba'a taumata lal᷊eo; isai matuṛṛutta tita, lullawangnga taumata lal᷊eo.

DARALO 119:53

I ya'u tumaniten massa'u su taumata lal᷊eo, ana waugu i mangitou nanantangu tita-Nu.

YEREMIA 5:19

Arawe amungkangngu i mangitou maiwal᷊o anio i Ya'u na'ola'a sarangkanambone udde su saruanni mangitou, wal᷊oa'e ei Yeremia, manungku ereapa i Ya'u buatte tinantangngi mangitou su wanua mangitou sassane huna mattaṛṛamawu manga mongannu walahanna waine, aroddi lai i mangitou sarun maola'a allangngu manga taumata raho su wanua waine.”

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEREMIA 13:10

Walahanna apan dal᷊eo indi tumaniten maattikka wuṛṛu maddiri tumuṛṛutta si Ya'u. I mangitou mattaṛṛamawu wuṛṛu massubba manga mawu waine. Ana waugu udde i mangitou sarun maola'a ere nasa maautta apan tate gunane udde.