YEREMIA 9:1 - WUKE SUSI WATTI'U AL᷊AL᷊USASSA

¹ Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

YEREMIA 9:1 Referans Kwoze

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

LAL᷊ALLU 2:11

Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YEREMIA 14:17

I ya'u nirolokku Mawu mamasingkattu asasusa'u su uman-Ne. I ya'u ṛinone mabbisara arendi, “Wala'ewe i ya'u lumuai tawe illol᷊one, allo ṛabbi mangngelekka allom mata. Ana waugu walahangku nal᷊essa wahewalla wuṛṛu tumaniten uatataṛṛangnga.

YESAYA 16:9

Orassa indi i ya'u lulluaiten baillu anggori Sibma ere lai i ya'u lulluain Yaezer. Allo mata'u tinumuro ana waugu Hesybon wuṛṛu Eleale, ana waugu hessin sinuananne ni'annu seetta sara nasue.

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

DARALO 42:3

I ya'u mappulun Ruata apan wiakka, tingngera i ya'u wotongnge maataṛṛamawu su Wal᷊en-Ne?

YEREMIA 4:19

Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YEREMIA 8:18

Naungku na'iṛṛitta wuṛṛu maṛṛagge, asasusa'u tawe aundumanna.

YEREMIA 9:18

Taumatan Yehuda mabbisara, “Doloṛṛa'e i mangitou mangngantarin aantarin lalal᷊o hunan kite sarangkanambone, tadea'u allon mata mangke lakkubbasanna su wambalan kite.”

DARALO 55:7

Ah, unnuwisara i ya'u pia papaidda ere merpati, i ya'u sarun tumalla'a maddea'a tampa mal᷊angngana.

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

HOSEA 7:4

I mangitou sarangkanambone taṛṛa awusu wuṛṛu taumata apan tawe satia. Ararantinni mangitou naal᷊ihidda putungnga sulal᷊ummu sungilla apan tawe niṛṛunuttu. Maaola'a roti tantal᷊anna tamponna taambe nasaddia lol᷊oanna.